पाल्पा साहित्य समाजको आयोजनामा साहित्यकार भागवत खनालको निबन्ध सङ्ग्रह ‘आत्मबोध’ को विमर्श कार्यक्रम सम्पन्न भएको छ ।
शिक्षाविद् डा. रामप्रसाद ज्ञवाली प्रमुख अतिथि रहनु भएको कार्यक्रममा प्रमुख अतिथिले “भागवत खनालको कृतिमा जीवन वोध रहेको र सबैका लागि उपयोगी एवं प्रेरणादायी रहेको” भनी बताउ भयो । निबन्ध सङ्ग्रहमाथि साहित्यकार डा. टंकप्रसाद पन्थ र समाजका अध्यक्ष पुष्कर अथक रेग्मीद्वारा चर्चा परिचर्चा सहित समीक्षा गरिएको थियोे ।
नेपाली लेखक संघका अध्यक्ष गोबिन्द खनाल,कालीगण्डकी करिडोर योजना प्रमुख कल्पना अधिकारी , विशिष्ट अतिथि पाल्पा जिल्लाका प्रमुख जिल्ला अधिकारी तोयनारायण सुवेदीद्वारा शुभकामना मन्तव्य व्यक्त गरिएको थियो ।लेखक भागवत खनालद्वारा धन्यवाद सहित मन्तव्य राखिएको थियो ।
पाल्पा साहित्य समाजका संरक्षक राजेन्द्र गोपाल सिंहको अध्यक्षतामा भएको कार्यक्रममा स्वागत सल्लाहकार चित्रवलीराम सुवाल र कार्यक्रम संचालन सचिव सविता भट्टराईद्वारा गरिएको थियोे ।
