कल्याणकारी नेपाली युवा समाज कुवेतसँग अल मुजैनी एक्सचेन्जको सहकार्यमा हाला फेब्रुअरीको अवसर पारेर आगामाी ७ फेब्रुअरी २०२५ शुक्रबारका दिन आयोजना हुन लागेको “कल्याणकारी-हाला कप” अन्तर-नेपाली भलिबल प्रतियोगिताको टाइसिट आगामी जनवरी ३१ तारिक शुक्रबार हुने भएको छ । भलिबल प्रतियोगिता आयोजक समितिका संयोजक नबराज पराजुलीले दिएको जानकारी अनुसार भलिबल प्रतियोगिताको टाइसिट माहबुला स्थित भलिबल मैदानमा साँझ ५ बजे हुनेछ ।
आयोजकले प्रतियोगितामा प्रथम हुने टिमलाइ २५१ केडि नगदको साथमा ट्रफी,मेडल र प्रमाणपत्रले पुरस्कृत गर्ने जनाएको छ । त्यसै गरि द्वित्तीय र तृतीय हुने टिमलाइ क्रमश १५१ र ७५ केडि नगद पुरस्कारको साथमा ट्रफी,मेडल र प्रमाणपत्रले पुरस्कृत गर्ने भएको छ ।
प्रतियोगितामा टिम दर्ता शुल्क २० केडि तय गरिएको जनाउँदै टाइसिटको लागि टिम मेनेजर वा टिम क्याप्टनले भाैतिक रूपमा उपस्थित हुनु पर्ने, टेलिफोन सम्पर्कबाट टिम दर्ता नगरिने जनाइएको छ ।
