पाकिस्तानको खैबर पख्तुनख्वा प्रान्तको कुर्रम आदिवासी जिल्लामा यात्रुवाहक सवारी साधनमा गोली हानाहान भएको छ । यस गोलीबारीमा ३८ जनाको मृत्यु भएको पुष्टि भएको छ । यसबाहेक १९ जना घाइते भएका छन् । घाइतेहरुलाई ताल र पेशावरका अस्पतालमा भर्ना गरिएको छ ।
कुर्रम जिल्लाको मदारवी क्षेत्रमा प्रहरी निगरानीमा रहेको पारा चिनार क्षेत्रबाट केही सवारीसाधन आइरहेका थिए । सोही क्रममा ती सवारीसाधनमाथि आक्रमण भएको थियो । मन्डारवीको प्राथमिक उपचार केन्द्रमा तैनाथ डाक्टर मुहम्मद नवाजले बीबीसी संवाददाता इफ्तिखार खानलाई छ जना महिलासहित ३३ जनाको शव अस्पतालमा ल्याइएको बताए।
यसबाहेक थप ५ जनाको शव अलिजी अस्पतालमा पठाइएको छ । घाइते आठ जनालाई पनि अलिजी अस्पतालमा भर्ना गरिएको छ । काफिलाको सुरक्षामा खटिएका एक अधिकारी भन्छन्, ‘हामी पाँच–छ जना अफिसर थियौं । गोली कहाँबाट आयो भन्ने थाहा हुन सकेको छैन । गोली लागेर हाम्रा एक जना साथी पनि घाइते भएका छन् ।
काफिलाका एक यात्रु पिर हुसेन शाहले पत्रकार जुबैर खानलाई ठूला हतियारबाट अन्धाधुन्ध गोलीबारी भइरहेको बताए ।
