पाकिस्तानको खैबर पख्तुनख्वाको कुर्रम जिल्लामा जग्गा विवादमा ४३ जनाको मृत्यु भएको छ । यो घटना कुर्रमको पारा चिनारको उपनगर बुशेहराको हो।
यो विवादको केन्द्रमा ३० एकड अर्थात करिब १०० कनाल जग्गाको स्वामित्व रहेको छ । यो विवाद बुसेहराका दुई गाउँमा बसोबास गर्ने जनजातिबीचको हो । अधिकारीका अनुसार ६ दिनअघि सुरु भएको लडाई कुर्रम जिल्लाका विभिन्न क्षेत्रमा फैलिएको थियो । सोमबार बिहान भएको झडपमा कम्तीमा ४३ जनाको मृत्यु भएको छ भने १५० भन्दा बढी घाइते भएका छन् । आइतबार राति भएको झडपमा थप आठ जनाको मृत्यु भएको स्थानीय अधिकारीहरूले बताएका छन्।
अधिकारीहरुका अनुसार मारिनेहरु मध्ये ३५ शिया जनजाति र आठ सुन्नी जनजातिहरु थिए । आइतबार बुसेहरामा पनि शवको आदानप्रदान भएको थियो, जसमा सुन्नी जनजातिले एघार शव शियाहरूलाई बुझाएका थिए भने शियाहरूले सुन्नीहरूलाई तीन शव सुम्पेका थिए।
कुर्रम जिल्ला अस्पतालका मेडिकल सुपरिटेन्डेन्ट डा मीर हसन जानले बीबीसीलाई भने कि जुलाई २४ मा झडप सुरु भएदेखि नै उनको अस्पतालमा ३२ शव र २०० भन्दा बढी घाइतेहरू ल्याइएको थियो, जसमध्ये ३२ जनाको उपचार भइरहेको छ गम्भीर घाइते ६ जनालाई थप उपचारका लागि सार्ने तयारी भइरहेको छ ।
अधिकारीहरूका अनुसार पाँच दिनको द्वन्द्वपछि बुसेहरामा दुई गुटबीच युद्धविराम भएको छ र मोर्चहरू खाली गरी त्यहाँ प्रहरी, सुरक्षा बल र सेनाका जवानहरू तैनाथ गरिएको छ। जिल्लाका अन्य धेरै ठाउँमा जनजातिहरूबीच गोलाबारी जारी रहेको र प्रशासन र अमन जिर्गाले युद्धविरामका लागि पहल गरिरहेका छन् । हालैको झडपको कारण त्यही जग्गाको टुक्रा हो जसलाई लिएर गत वर्ष जुलाईमा कुर्रममा साम्प्रदायिक द्वन्द्व सुरु भएको थियो, जसमा आधा दर्जनभन्दा बढी व्यक्तिको मृत्यु भएको थियो।
शान्ति समितिका सदस्य मलिक महमुद अली जानका अनुसार यो वर्ष पुरानो १०० कनाल जग्गाको विवाद गुलाब मिल्लीखेल र मिड्गी कुल्ले जातिबीच रहेको छ । गुलाब मिली खेल शिया समुदायको हो भने मिदागी कुल्ले खेल सुन्नी समुदायको हो । उनका अनुसार ‘यस विवादलाई लिएर पटकपटक सशस्त्र झडप पनि भइसकेको छ, जिर्गा पनि भएको छ, तर अहिलेसम्म यो समस्या समाधान हुन सकेको छैन ।
