एजेन्सि- समुन्द्री आँधी बेरल टेक्सस पुगेको छ भने अहिले बिहान सम्म १३०,००० भन्दा बढी ग्राहकहरू बिजुलीविहीन हुन् पुगेका छन् । टेक्ससमा नजिकै ८० माइल प्रतिघण्टाको गतिमा हावा चलेको सिएनएनले जनाएको छ ।
टेक्ससमा आज बिहान बेरल समुन्द्री आँधीले राज्यलाई प्रभाव पार्दा बिजुली अवरुद्ध भइरहेको छ। पावरआउटेज युसका अनुसार बिहान ५ :२६ सम्म १ लाख ३२ हजार ग्राहकहरू बिजुलीविहीन भएका छन् ।
त्यस्तै ह्युस्टन शहर क्षेत्रमा ७० लाखभन्दा बढी मानिसहरु बिहान ११ बजेसम्म घुम्रपात (टोर्नाडो ) को निगरानीमा रहेका छन् । राष्ट्रिय हुरी केन्द्रका अनुसार बिहान ५ बजेको अद्यावधिक अनुसार समुन्द्री आँधि बेरलले माटागोर्डा बीच नजिकै श्रेणी १ मा आँधीको रूपमा जमिनमा अवतरण गरेको छ।
जमिनमा आएको समयमा बेरलमा ८० माइल प्रतिघण्टाको हावा थियो। भारी वर्षा, आँधीबेहरी, र तेज हावा पूर्वी टेक्ससको धेरै भागमा जारी रहनेछ । कुल ५-१० इन्च बर्ष र १५ इन्च पुगे अपेक्षा गरिएको छ ।
बेरल मंगलबार बिहान अर्कान्सासमा सर्ने पूर्वानुमान गरिएको छ। बेरल समुन्द्री आंधी टेक्ससमा जुन २६, १९८६ मा आएको थियो भने करिब ४० वर्षमा यो मौशममा आएको सबैभन्दा प्रारम्भिक समुन्द्री आँधी हो।
