पुष्कर अथक रेग्मी
थियौं
हित
भयौं
मीत
पुष्पा नेपाल सुवेदीको एक पुष्प शीत शीत काव्य समाज नेपालद्वारा प्रकाशित लघुतम काव्य संग्रह ‘शीत’ ( २०७८) संग्रहित रहेको छ । शीत परिकल्पना भए संगै पुष्पाजीसंग सामाजिक सन्जालमा भेट भएको हो । उहाँले शीत कसरी लेख्ने ? भनी परिकल्पनाकारसंगनै कुरा गर्ने मनसुवा भएपछि हाम्रो टेलिफोन वार्ता भएको थियोे भने प्रत्यक्ष भेटघाट भएको छैन ।
माता चन्द्रकला नेपाल र पिता कुल प्रसाद नेपालको सुपुत्री, शिव प्रसाद सुवेदीकि धर्मपत्नी एवं सौरभ र आदित्यकि ममतामयी माता पुष्पा नेपाल सुवेदीको साहित्यिक नाम ” पुष्पाञ्जली ” हो ।नामसालिङ इलाम जन्मी शिक्षण पेशामा आवद्ध पुष्पाजी काव्य लेखनको पारखी हुनुहुन्छ । यही क्रममा उहाँको गजल संग्रह “धरातलको जून “(२०८१) प्रकाशित भएको जानकारी सामाजिक संन्जालबाट पाएको केही दिनमै कुरियर गरि इलामबाट ” धरातलको जून ” पाल्पा आइपुगी मेरो हात लाग्यो ।
संग्रहभित्र ९० वटा गजलहरू संग्रृहित रहेमा छन । सबै गजलहरू नियमन सीमाभित्र रही लेखिएका छन् । माता पिता तथा श्रद्धेय अग्रजहरूमा समर्पित गजल संग्रहका प्रकाशक शिव प्रसाद सुवेदी रहनु भएको छ भने डा. घनश्याम परिश्रमी , आवाज शर्मा ‘वाला’,डा.अच्युत शर्मा र बिष्णुक भट्टराईको शुभकामना रहेको छ । गजलकार स्वयंको दुई शव्द र हरिप्रसाद पौडेल ” स्वर्णशिखा” को गजवको भूमिका सहित मूल्य रू ३००/- रहेको संग्रह गजल पारखीहरूका लागि संग्रहणीय र उदाहरणीय रहेको छ ।
