Wednesday 24th July 2024

चीनले दक्षिण चीन सागरमा प्रवेश गर्ने विदेशीलाइ ६० दिनसम्म हिरासतमा राख्ने


चीनमा शनिबारदेखि लागू हुने नयाँ चीन तटरक्षा सम्बन्धी नियमले अधिकारीहरूलाई दक्षिण चीन सागरको विवादित क्षेत्रमा विदेशीहरूलाई बिना कुनै परीक्षण ६० दिनसम्म हिरासतमा राख्न अनुमति दिने भएको छ । चीनले जारी गरेको नयाँ सामुद्रिक नियम जसले चीनका तटरक्षकलाई विवादित दक्षिण चीन सागरमा अतिक्रमणका लागि विदेशीहरूलाई पक्राउ गर्न अनुमति दिन्छ ।

बेइजिङले अनलाइनमा प्रकाशित गरेको नियमअनुसार चीनको तटरक्षकले शनिबारदेखि सीमा प्रवेश र निकासको व्यवस्थापन उल्लङ्घन गरेको शङ्कामा विदेशीहरूलाई हिरासतमा लिन सक्नेछ । जटिल मामिलाहरूका लागि ६० दिनसम्म हिरासत अवधिको अनुमति छ, र यदि बन्दीहरूको राष्ट्रियता र पहिचान अस्पष्ट छ भने, जाँचका लागि हिरासतको अवधि उनीहरूको पहिचान निर्धारण भएको दिनदेखि गणना गरिनेछ, अवैध रूपमा चीनको क्षेत्रीय पानी र छेउछाउमा प्रवेश गरेका विदेशी जहाजहरूलाई नगरपालिका तटरक्षक एजेन्सी वा प्रमुख तटरक्षक एजेन्सीको स्वीकृति लिएर कानूनअनुसार हिरासतमा राख्न सकिनेछ“, नियममा उल्लेख गरिएको छ ।

चीनले फिलिपिन्सलगायत दक्षिणपूर्वी एसियाका धेरै देशहरूका प्रतिस्पर्धी दावीहरूलाई पन्छाएर र द हेगको मध्यस्थता न्यायाधिकरणले २०१६ मा जारी गरेको निर्णयलाई खारेज गर्दै, दक्षिण चीन सागरको लगभग सम्पूर्ण भूभागमा दाबी गरेको छ ।

चिनियाँ सरकारले आफ्नो दाबी गर्ने पानीमा गस्ती गर्न देशको तटरक्षक र अन्य डुङ्गाहरू तैनाथ गरिरहेको छ, र धेरै चट्टानहरूलाई सैन्यकृत कृत्रिम टापुहरूमा परिणत गरेको छ।


सम्बन्धित शीर्षकहरु

गएको शुक्रबार माइक्रोसफ्टद्वारा सञ्चालित कम्प्युटर प्रणालीमा भएको गडबडीको कारण सारा विश्व चिन्तित भएको बेला चीनमा सबै कुरा राम्ररी चलिरहेको थियो…

हालै अमेरिका र वेस्ट इन्डिजमा सम्पन्न टी–२० विश्वकपमा ठुलो घाटा भएपछि अन्तर्राष्ट्रिय क्रिकेट काउन्सिल (आईसीसी) ले तीन सदस्यीय समिती गठन…

डेमोक्रेट पार्टीबाट राष्ट्रपतिको उम्मेदवार बन्ने दौडमा रहेको कमला ह्यारिसलाई १९३ डेमोक्रेट सांसदको समर्थन पाएकी छन् । राष्ट्रपति जो बाइडेन २०२४…

प्रतिकृयाहरू
...