कुवेत – नेपाल कुवेत सरोकार समाजको पाचौं सांगीतिक धमाकाको लागि नेपालका राष्ट्रिय ख्याति प्राप्त कलाकार शिव परियार र रचना रिमाल भोली ३० मे २०२४ दिन बिहान ७ बजे कुवेत आइपुग्ने कार्यक्रम संयोजक दामोदर बटलाले जानकारी दिएका छन ।
कुवेतको नेपाली समाजमा स्थापित नेपाली संघ सस्थाका प्रतिनिधि, बुद्धिजिवि, समाजसेवी, पत्रकार लगायतलाई अतिथि कलाकार शिव परियार र रचना रिमालको स्वागतको लागि भोली ३० मे २०२४ का दिन बिहान ७ बजे कुवेत एयरपोर्टमा उपस्थितिको लागि आयोजकले अनुरोध गरेको छ ।
कुवेतस्थित जिलिबको इन्डियन स्कुल संगै रहेको स्पायर स्कुलको सभाहलमा ३१ मे २०२४ मा दिनको ठिक १ बजेदेखि चर्चित अतिथि कलाकार गायक शिव परियार र गायिका रचना रिमालको साथमा स्थानीय कलाकारको समेत सांगीतिक प्रस्तुती रहने छ । कुवेत नगरीमा सन् २०१४ मा ‘समाज र देश निर्माणका लागि यूवा एकता’ भन्ने मुल नाराका साथ स्थापना भएको सस्थाले पहिलो, दोश्रो, तेश्रो र चौथो सांगीतिक धमाका चर्चित कलाकारको साथमा सम्पन्न गरिसकेको छ । स्थापना कालदेखी नै बिभिन्न सामाजिक कार्यमा सस्था सक्रिय छ ।
कार्यक्रमको विवरण :
मितिः ३१ मे २०२४
स्थान: स्पायर इन्डियन स्कुल जिलिब
समयः दिनको ठिक १ बजे
आयोजक : नेपाल कुवेत सरोकार समाज
