तोयानाथ दाहाल, उपेक्षित, हमास ईजरायल युद्ध ले विकराल रुप लिने संकेत देखिएको छ । तेश्रो साता पुग्न लाग्दा ईजरायल ले जमिनी आक्रमण गाजाको दक्षिणी भागबाट शुरु गरेको छ भने वारप्लेनहरुले बम हान्ने क्रममा थप बृद्धी भएको छ । उसले हिजै पुन एक पटक उत्तरी गाजाका बासिन्दा लाई दक्षिण जान भनेको छ ।
गाजामा रहेको क्याथोलिक चर्च, मस्जिद, अस्पताल, क्याफे लगायतका सार्वजनिक स्थलहरु कुनै बाकी नराख्ने संकेत ईजरायल ले दिएको छ । हिजै दक्षिणी गाजामा एक ईजरायली सिपाई र टयांक लाई हमास लडाकुले उडाई दिए पछि ईजरायल थप आक्रोशमा आएको देखिन्छ । यसक्रममा ईजिप्टको बोर्डर मा समेत ईजरायली तोपको गोला ले लाग्दा त्यहाँका सुरक्षा गार्ड लगायत ७ जना घाईते भएका छन । ईजिप्टको पूर्ण प्रतिक्रिया आईसकेको छैन तर यो घटनाले ईजिप्टसँग निक्कै खटपटी बढने देखिन्छ । उक्त घटनाको कारण सो क्षेत्र हुदै आउने मानविय सहायता का १७ ट्रक मात्र गाजा प्रवेश गरेका छन । यस अघि २० वटा ट्रक भित्र पसेका थिए । सहायता सँस्थाका अनुसार २० ट्रक खाधान्न, ईन्धन, पानी , औषधी समुन्द्रमा पानीको थोपा खसे जस्तै भनेर आलोचना पनि भईरहेको छ । स्थिती विग्रदै जादा भरखर शुरु भएको मानविय साहायता समेत रोकिन हो की भन्ने त्रास पनि फैलिएको छ ।
हिजै मात्र हजबुल्ला र ईजरायल का विचमा लडाईको स्थिती बनेको छ । ईजरायलले दक्षिणी लेबनानको आईतरउन शहरमा हवाई हमला गरेको छ । उसले ईजरायलबाट नजिकै रहेको सिरियाको विमानस्थलमा समेत हवाई हमला गर्दै आएको छ । ईजरायल लाई उक्त विमानस्थल हुदै ईरान ले हमासका लागि हतियार पठाउने डर छ । हिजै ईजरायल ले प्रहार गरेको हवाई हमलामा परि गाजा स्थित जबलिया शरणार्थी क्याम्पबाट ३० जनाको शब भग्नावशेष बाट निकालेको बताईन्छ ।
तनाव का विच ईजरायली समुन्द्रमा अमेरिकाले सैन्य उपकरण, क्षेप्रास्त प्रतिरक्षा प्रणाली र हातहतियार थप गर्ने जनाएको छ । हजबुल्ला र ईरान युद्धमा मिसिए भने जोर्डन, ईजिप्ट र सिरिया समेत मिसिने देखिन्छ । यसरी नै मानविय सहायताका लागि अग्रसरता देखाएका मिडलिस्ट का देशहरु साउदी, दुवई, कतार, कुवेत, बहराईन ओमन ले के गर्छन भन्नेमा धेरै को चासो छ । अमेरिका र युरोप को व्याकफोर्स रहेको ईजरायल भने यस पटकको लडाई लाई अन्तिम लडाईको रुपमा युद्ध गर्ने सोचमा देखिन्छ । यसको बामबार्ड हेर्दा यस्तो लाग्दछ अब पुरै प्यालेस्टाईन लाई उसले कव्जा गर्नेछ ।
भोली फ्रान्स का राष्ट्रपति ले ईजरायलको भ्रमण गर्दैछन । उनले यसक्रममा प्यालेस्टाईन का सर्वोच्च नेता मोहमद अव्वास सँग समेत भेट गर्ने कार्यक्रम रहेको बताईन्छ । युद्ध चर्कदै जादा ईजरायल सरकारलाई समेत आफ्नै नागरिक बाट दवाव आईलागेको छ । हमास को कव्जामा रहेका करिब २०० सय जना नागरिकका आफन्तहरुले आफना प्रियजनको मुक्ति का लागि विरोध रयाली निकाले का छन । बमबार्ड नरोकिएसम्म हमास ले बन्दीहरु नछोड्ने बताई रहेको छ भने बन्दीहरु नछोडे सम्म बमबार्ड नरोकिने ईजरायल ले भन्दै आएको छ ।
ईजरायल यसपटक हमास लाई निमिटयान्न पार्ने उद्देश्यका साथ लडाईमा होमिएको छ । जतिसुकै बमबार्ड गरे पनि हमास लडाकु लाई नियन्त्रण गर्न सहज छैन । उनीहरुले जमिन मुनि विद्धयाएको सुरुंग का कारण हमास का लडाकु र हातहतियारहरु नष्ट पार्न ईजरायलले सक्ने छैन । घना बस्तीका कारण उसले आफू विरुद्ध हमासद्धारा पार्न सक्ने क्षति कम गर्न उसले हवाई हमला जारी राख्न पर्ने हुन्छ । अहिले सम्म सयौ भवनहरु ध्वस्त भईसकेका छन र दिनहुँ सय भन्दा धेरै प्यालेस्टाईनी सर्वसाधरण, महिला र बच्चाहरुले अकालमा ज्यान गुमाई रहेका छन ।
