वैदेशिक रोजगारीबाट भित्रिने रेमिट्यान्स गतवर्षको तुलनामा यस वर्ष वृद्धि भएको छ । गत साउनदेखि जेठसम्मको ११ महिनामा ११ खर्ब १२ अर्ब ५२ करोड रेमिटेन्स भित्रिएको छ। वैदेशिक रोजगारीमा जानेको संख्या बढेसँगै रेमिट्यान्स पनि बढेको हो ।
नेपाल राष्ट्र ब्यांकले सोमबार सार्वजनिक गरेको देशको वर्तमान आर्थिक तथा वित्तीय स्थिति प्रतिवेदनमा रेमिटेन्स बढेको देखिएको छ। यस वर्ष गत वर्षको सोही अवधिको तुलनामा २२.७ प्रतिशतले वृद्धि भएको हो। गत वर्ष यो अवधिमा रेमिटेन्स ४.१ प्रतिशतले मात्रै बढेको थियो।
त्यस्तै, अमेरिकी डलरमा रेमिटेन्स १३ प्रतिशतले बढेर आठ अर्ब ५१ करोड पुगेको छ। यसै अवधिमा गत वर्ष १.८ प्रतिशतले मात्रै बढेको थियो।
