काठमाडौं– अन्ततः दक्षिण भारतीय फिल्म आदिपुरुषलाई सेन्सर बोर्डले प्रदर्शनको अनुमति दिएको छ । फिल्ममा समावेश गरिएको एउटा विवादित संवाद हटाइएपछि नेपालको सेन्सर बोर्डले उक्त फिल्मलाई प्रदर्शनको अनुमति दिएको हो । तर काठमाण्डौ महानगरपालिका प्रमुख बालेन शाहाले नेपालमा चलाउनका लागि मात्र विवादित संबाद हटाएर नपुग्ने भन्दै आक्रोश पोखेका छन । उनले भारतमा समेत उक्त संबाद हटाएर मात्र प्रर्दशन गर्न पर्ने भनेका छन । यदि यसो नगरिए काठमाण्डौमा कुनै पनि हिन्दि चलचित्र चलाउन नदिने चेतावनी दिएका छन ।
फिल्ममा समावेश जानकी भारतकी छोरी हुन्’ भन्ने वाक्यमा आपत्ति जनाउँदै बिहीवार दिउँसो सेन्सर बोर्डले प्रदर्शन अनुमति दिएको थिएन तर नेपालमा मात्र अनुमती नदिनुको कुनै अर्थ नहुने जानकारहरु बताउछन । भारतीय वितरकले फिल्मबाट विवादित वाक्य हटाएर नेपाल पठाएपछि मात्र बोर्डले अनुमति दिएको हो ।
सेन्सर बोर्डको अनुमतिपछि ‘आदिपुरुष’ शुक्रबार नेपालमा रिलिज हुने पक्का भएको भनेर खुशी मान्नेहरु लाई काठमाडौं महानगरका मेयर बालेन साहको फेसबुक स्टाटसले नराम्रो थप्पड हानेको छ । जसका कारण फिल्म काठमाडौं महानगरपालिकामा प्रदर्शन हुने सम्भावना कम छ । हाँकाहाकी नेपालकी जानकी लाई भारतीय चेली बनाउदा नेपालको सरकार र उग्र बामपन्थिहरु को मौनता गजव्वको छ । यस्तो लाग्छ यो देशको ढुकढुकी काठमाण्डौ महानगर ले मात्र बोल्छ । यो देशको राष्ट्रियता बाकी छ त काठमाण्डौ महानगर र धरान उपमहानगर सँग मात्र छ । अरु त सवै प्रभुको काम प्रति नतमस्तक छन ।
बालेनले भारतमा समेत उक्त विवादित वाक्य तीन दिनभित्र नहटाए कुनै पनि हिन्दी फिल्म काठमाडौं महानगरपालिकामा प्रदर्शन अनुमति नदिने उल्लेख गरेका छन् । अरु पनि नेपालका शहरमा कोहि जिउदा मेयर छन र राष्ट्रको चिन्ता गर्दछन भने उनकै जसरी रोक लगाउने घोषणा गर्न जरुरी छ । नेपाल सरकारले त यो हिम्मत गर्ने सम्भवना नै छैन ।
बालेनको सचिवालयले पनि आफूहरुले तीन दिन प्रतीक्षा गर्ने तर उक्त वाक्य हटाएर माफी नमागेसम्म काठमाडौंमा कुनैपनि हिन्दी फिल्म प्रदर्शन गर्न अनुमति नदिने र सबै हललाई यसबारे पत्राचार गरिने उल्लेख गरेको छ । कलेज र विद्यालयमा ताला लगाउने नेपालका राजनैतिक दलका भात्रि संस्थाहरु जानकीको प्रर्दशनका विषयमा जानकार छन की छैनन ? राष्ट्र का विभुतीहरुलाई समेत रातारात भारतीय बनाएर प्रचार गरिरहदा तिनीहरु कहाँ छन ? आम नेपाली जनताहरु तिनको जवाफ पर्खिरहेका छन ।
