साउदी अरेबियाले एक साउदी नागरिकलाई छुरा प्रहार गरी हत्या गरेको अभियोगमा दोषी ठहर भएका नेपाली सन्तबहादुर पुनलाई विहिबार फाँसी दिएको छ । राज्य सञ्चालित साउदी प्रेस एजेन्सीले फाँसीको पुष्टि गर्दै यो राज्यको अल(जाफ क्षेत्रमा भएको बताएको छ। मृत्युदण्ड कसरी दिईयो भनेर नखुलाईको भए पनि अक्सर साउदीमा मृत्यु दण्ड दिदा टाउको छिनालेर दिने गरिन्छ ।
साउदी अरेबिया मा लामो समयदेखि मृत्युदण्ड दिने देशहरु मध्येको पहिलो नम्बरमा पर्दछ । त्यहाँ गंभिर अपराध गर्नेहरुलाई मृत्युदण्ड दिने कार्य नियमित रूपमा गरिन्छ, र एक नेपाली नागरिक संलग्न यो मुद्दाले देश भित्र विदेशीहरूको लागि निक्कै चर्चाको विषय बनेको छ ।
साउदी अरेबियाले कडा कानुनी प्रणाली अपनाउने गरेको छ । जहाँ हत्या लगायत विभिन्न अपराधका लागि मृत्युदण्ड दिइन्छ। सन्तबहादुर पुनको मृत्युदण्डले गम्भीर अपराधका दोषीलाई मृत्युदण्ड दिने कानुनी ढाँचालाई कायम राखिरहेको कुरा पुष्टि गर्दछ । उनलाई साउदीको जेल मा २२ बर्ष विताए पछि मृत्युदण्ड दिईएको हो ।
साउदी अरेबियाको मृत्युदण्डको प्रयोगले अन्तर्राष्ट्रिय ध्यान खिचेको छ र यो बहस र आलोचनाको विषय बनेको छ। वकालत गर्ने समूहहरू र मानवअधिकार संगठनहरूले लगातार मृत्युदण्डमा रोक लगाउन आह्वान गर्दै आएका छन् र साउदी अरेबियालाई मृत्युदण्डमा आफ्नो अडानमा पुनर्विचार गर्न आग्रह गरेका छन्। नेपाली नागरिकको मृत्युदण्डले देशको कानुनी प्रणालीभित्र विदेशी व्यक्तिलाई हुने व्यवहारबारे चिन्ता बढाएको छ ।
