Wednesday 24th July 2024

एसीसी प्रिमियर कपमा पहिलो खेलबाटै नेपालको विजयी शुरूवात


एसीसी प्रिमियर कप अन्तर्गतको पहिलो खेलमा नेपालले मलेशियालाई पराजित गरेको छ।

कीर्तिपुरस्थित त्रिवि क्रिकेट मैदानमा मंगलबार भएको खेलमा नेपालले मलेशिया विरुद्ध सहज जित निकालेको हो। मलेशियाले दिएको २३६ रनको विजय लक्ष्य नेपालले ३६‍‍.२ ओभरमा ४ विकेटको क्षतिमा पूरा गरेको हो।

नेपालका लागि भीम सार्कीले ७१ र कुशल मल्लले अविजित ७० रन जोडे। कप्तान रोहित पौडेलले ४२ र कुशल भुर्तेलले ३८ रनको योगदान दिए। 

पाँच छक्का र पाँच चौका सहित ४० बलमा ७० रन जोडेका मल्ल ‘प्लेयर अफ द म्याच’ भए। 

मलेशियाका कप्तान अहमद फैजले सर्वाधिक ७६ रन जोडे। सोमपाल कामी र सन्दीप लामिछानेले समान तीन–तीन, ललित राजवंशीले दुई र गुलशन झाले एक विकेट लिए। 

समूह ‘ए’ मा नेपाल, मलेशिया, ओमन, कतार र साउदी अरब छन्। त्यस्तै समूह ‘बी’ मा बहराइन, हङकङ, कुवेत, सिंगापुर र यूएई छन्। समूह बी’ अन्तर्गत आजै हङकङले सिंगापुरलाई आठ विकेटले पराजित गर्‍यो।

एसीसी प्रिमियर कपको विजेता टोलीले एशिया कप खेल्न पाउनेछ। 

नेपालले शुक्रबार ओमन र सोमबार साउदी अरेबियासँग खेल्ने तालिका छ। समूह चरण अन्तर्गतको आफ्नो अन्तिम खेल नेपालले १४ वैशाखमा कतारसँग खेल्नेछ।


सम्बन्धित शीर्षकहरु

गएको शुक्रबार माइक्रोसफ्टद्वारा सञ्चालित कम्प्युटर प्रणालीमा भएको गडबडीको कारण सारा विश्व चिन्तित भएको बेला चीनमा सबै कुरा राम्ररी चलिरहेको थियो…

हालै अमेरिका र वेस्ट इन्डिजमा सम्पन्न टी–२० विश्वकपमा ठुलो घाटा भएपछि अन्तर्राष्ट्रिय क्रिकेट काउन्सिल (आईसीसी) ले तीन सदस्यीय समिती गठन…

डेमोक्रेट पार्टीबाट राष्ट्रपतिको उम्मेदवार बन्ने दौडमा रहेको कमला ह्यारिसलाई १९३ डेमोक्रेट सांसदको समर्थन पाएकी छन् । राष्ट्रपति जो बाइडेन २०२४…

प्रतिकृयाहरू
...