म तिम्रै कारण धेरै पछि पर्दै गएको छु
जितेका दिन पनि सधै हारेको छु
फेसबुक टिकटकले गर्दा संकटमा परेको छु
त्यसैले त आज सामाजिक सञ्जाल हटाएको छु ।
कैले जापनिज वाली त कैले युरोपेली
बस्न सकिन म आफ्नो मन सम्हाली
तिम्ले छोडेपनि पिडा त खटाएको छु
तिम्रै कारण सामाजिक सञ्जाल हटाएको छु ।
भाग्यमानीले टिकटकले गर्दा कार चलाउछ
कसैको त अति नै भयो भैसी बेचाउछ
यिनै सञ्जालले गर्दा सस्कार, सभ्यता हराउछ
अर्काको श्रीमान श्रीमती मन पराउने बाध्यता बनाउछ ।
लाईक कमेन्ट नगर्दा सधै साथी रिसिन्छ
मेरो फोटोमा उसले लभ रियक्ट गर्न बिर्सिन्छ
साथी भाइको सम्बन्ध सञ्जालले बिग्राछ
जागँरिलो मान्छेलाई पनि अल्छी बनाउँछ ।
लाईन नगै घरमा पनि गफगाफ चल्दैन
सानो भाई बैनीले पनि किताव समाउदैन
इन्टरनेट नभाको ठाँउमा पुग्दा खल्लो भएको छ
बृद्द बा लाई नि टिकटक चल्ने मोबाईल चाहिएको छ ।
राम्रो फाईदा पनि छ सञ्जालको तारिफ गरिन
म पनि तपाईहरु भन्दा केहि फरक परिन
केहि दिनलाई सञ्जाल हटाउने निर्णय गरेको छु
त्यहि फुर्सदले त आज कलम चलाएको छु ।
सुशिल बस्याल ‘ राष्ट्रप्रेमी ‘
पाल्पा ,बगनासकाली
नोटः उहाँ ‘एक घर एक लालीगुराँसको अभियान्ता’ पनि हुनुहुन्छ ।
