तिमीलाई थाहा छ ?
हिमाल, पहाड र तराई माथि
यो धरतीकै अनुपम
शान्त र सौम्य परिवेशको
सुन्दर अमरावती
ऊ त्यही त हो
बादल पारिको सुन्दर देश !
त्यही बादल पारिको देश
जहाँ
श्रावणको झरी बनेर
तिमी खुसीहरू बोकेर आउनु
प्रेमको भाका सुसेल्दै
मन मष्तिस्कमा
सागर जस्तै लहरिँदै आउनु
मायाको छाल हान्नु
र सारा जिन्दगीकै गीत गाउनु !
त्यही बादल पारिको देश
जहाँ
माया प्रेमको वर्षा गराउन
केवल तिमी नै आउनु
अनि तिमी र म
हर्षको साथ रुझौँला
प्रचण्ड गर्मीको मौसममा
शीतलताको अनुभव गरौँला
जीवनभरिकै
सन्तोषको सास फेरौँला !
आर्त अकुलीन
