बसन्त थापा, तितोपाटी- कुवेतलाई कर्मथलो बनाएर बसेका आप्रवासीहरुले छ महीना भन्दा बढ़ी कुवेत बाहिर बस्न सक्ने भएका छन।
हालै कुवेत सरकारले आफ्नो बसाई लम्ब्याउन र आफु रहेको देशबाट अनलाईन मार्फत आफ्नो भिसा नवीकरण गर्न सकिने बताएको छ।
उक्त निर्णयले विदेशमा बस्ने कामदारका लागि नियमावली लागू गर्न बाँकी रहेको उल्लेख गरेको छ । यस अघि कुवेतमा कार्यरत आप्रवासीहरुले कुवेत छोडेको ६ महिना भित्रमा पुन कुवेत प्रवेश गर्नुपर्ने नियम रहेको थियो भने उक्त नियमलाई परिवर्तन गर्दै आप्रवासीहरुले देश बाहिर आफ्नो बसाई लम्ब्याएर बस्न सक्ने भएका छन। साथै छ महिना भन्दा बढी समयदेखि कुवेत बाहिर बसेका विदेशी कामदारहरूले अनलाइनबाटै बसोबासको अभिलेख नविकरण गर्ने सुविधा रहेको मन्त्रालयले स्पष्ट पारेको छ ।
यो निर्णय घरेलु कामदारको लागी लागु नहुने बताउदै उक्त घरेलु कामदारहरुलाई देश बाहिर छ महिना भन्दा बढी बस्ने अनुमति दिइएको छैन तर ६ महिनाभन्दा बढी देश बाहिर बस्न चाहने घरेलु कामदारले आफु कार्यरत घर मालिक संग पूर्व अनुमति लिएर बसाई लम्ब्याउन सकिने छ।
