कुवेतमा वेश्यावृत्तिमा संलग्न रहेका व्यक्तिहरूको शंकास्पद अपार्टमेन्टमा छापा मारिएको छ । छापा मार्दा रंगेहात पक्राउ परेका पुरूष तथा महिलाहरूलाइ कानुनी कारवाहीको लागि सम्बन्धित निकायमा पठाइएको समाचार अरब टाइम्समा प्रकाशित भएको छ ।
समाचारमा बताइए अनुसार गृह मन्त्रालयले अरब, एसियाली र अफ्रिकी राष्ट्रियताका वेश्यावृत्तिमा संलग्न पुरुष र महिलाहरूलाइ पक्राउ गर्नुका साथै उनीहरूका साथबाट यौन उत्तेजना बढाउने अाैषधीहरू, यौन उपकरणहरू समेत बरामद गरेको छ ।
वेश्यावृत्तिको लागि प्रयोग गरिएको संदिग्ध अपार्टमेन्टहरूमा छापा मार्दा आवास कानुन उल्लङ्घन गर्नेहरू र भिसा म्याद सकिएको मानिसहरू समेत पक्राउ परेका छन् । उनीहरुलाई कानुनी कारबाही गर्न सम्बन्धित निकायमा पठाइएको छ ।
त्यस्तै जहारा गभर्नरेट अन्तर्गत विभिन्न देशका आवास उल्लङ्घन गर्ने २ जना फरार, भिसा म्याद नाघेका ३ जना र परिचयपत्र बिना नै ३ जना पक्राउ परेका छन् ।
