९७ दिन होटलमा बसेको बिल नतिरेको भन्दै कुवेतमा एक नागरिकविरुद्ध प्रहरी चौकीमा उजुरी परेको छ । होटल व्यवस्थापनका अनुसार अभियुक्तले एक कूटनीतिज्ञको नक्कल गरेको र ९७ दिनसम्म (फेब्रुअरी १६, २०२२ देखि) हालसम्म उक्त होटलमा बसेका थिए ।
अरब टाइम्सका अनुसार उनको पूरै बसाइको बिल १०,००० दिनार(नेरु करिब ४० लाख) आएको छ। पाहुना धनी देखिएर महँगो गाडीमा यात्रा गर्दै आफूलाई कूटनीतिज्ञ भनेर चिनाएकाले होटल व्यवस्थापन यतिबेलासम्म मौन बसेको जनाईएको छ।
उनीसँग पैसा माग्दा उनले हाल बिल तिर्न नसक्ने बताए पछी उनी बिरुद्द मुद्दा दायर गरिएको हो । प्रहरीले अनुसन्धान गरिरहेको र आवश्यक कानुनी कारबाही अघि बढाइएको जनाइएको छ् ।
