पञ्चाङ्ग चित्रपट : भाग: ११
लेख्नुपर्ने पञ्चाङ्ग सङ्ख्या : ०१
मिति: २०७९/०१/०१
प्रशिक्षक :
————
सोमनाथ लुइटेल “रवि पाल्पाली”
नारायण प्रसाद निरौला
मिति : प्रत्येक हप्ताको पाँचौं (५) दिन अर्थात् बिहीबार
चित्र संकलक
—————-
सविता के.सी.
समायोजन
————-
👉️सोमनाथ लुइटेल”रवि पाल्पाली”
आदरणीय पञ्चाङ्गका अनुरागी एवम् पञ्चाङ्ग स्रष्टाज्युहरू
हार्दिक नमस्कार ।
हामी साप्ताहिक चित्रपट पञ्चाङ्ग लेखनको एघारौं शृङ्खलामा छौँ । यस शृङ्खलामा पनि दिइएको चित्र अनुसारको बिम्बात्मक तथा गहन मौलिक भाव झल्किने एउटा मात्र पञ्चाङ्ग आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गरिएकोमा व्यस्त समयको वावजुद पनि रचना पठाउनुहुने सबै सर्जकहरूमा हार्दिक धन्यवाद ।
नोट : संयोजन गर्न सहज हुने भएकोले कमेन्ट बक्समा नाम र ठेगाना सहित लेखिएका पञ्चाङ्ग मात्र समायोजन गरिने जानकारी गराइन्छ ।
पञ्चाङ्ग चित्रपट
=========
पञ्चाङ्ग ०१
परेवाको जोडी जसरी बाँच्न पाए हुन्थ्यो
मौसम अनुसार सधैँ नाच्न पाए हुन्थ्यो
पानी पर्दा ओत बस्ने छहारी भए पुग्छ
खेतबारीको अन्नलाई साँच्न पाए हुन्थ्यो
वास बनाउने सिन्का ति भाँच्न पाए हुन्थ्यो ।
🙏सोमनाथ लुइटेल “रवि पाल्पाली”
पञ्चाङ्ग ०२
परेवा जोडीको रहर कस्तो होला ?
माया र प्रेमको सहर कस्तो होला ?
वसन्तमा चारैतिर पोखियो प्यार ,
बिस्तारै बगेको नहर कस्तो होला ?
नहरमा बग्ने कहर कस्तो होला ?
🙏आर्त अकुलीन, कैलाली
पञ्चाङ्ग ०३
परेवाको जोडी जस्तै रमाउन मन छ
माया बेसरी कसिलो बनाउन मन छ
अजर अमर बनोस् माया यो सदा सदा
दुवै मिली घरबार बसाउन मन छ
एक, अर्कोले दिलमा सजाउन मन छ।
🙏 निर्मला सुवेदी,बागलुङ।
पञ्चाङ्ग ०४
यिनै परेवा जोडीको जस्तो ममताको खानी बनोस्
सुमार्गी जीवन डोर्याउने सहयोगी बानी बनोस्
हजारौँ खुसीका लहरा, दिँदै जीवनमा पहरा
हरेक पल सहृदयी परस्पर जवानी बनोस्
संसारले चिन्ने बेजोड र ज्वलन्त कहानी बनोस् ।
🙏प्रेम थापा “मन ” बागलुङ ।
पञ्चाङ्ग ०५
मायाको परिभाषा लगाउँछ परेवाकाे जाेडीले
सबैलाई देखाई बताउँछ परेवाकाे जाेडीले
सिक मायालुको संसार कसरी बनाउनु पर्दछ
यहाँ सदैव माया लगाउँछ परेवाकाे जाेडीले
बेठीक भए भ्रम हटाउँछ परेवाकाे जाेडीले ।
१
परेवा यहाँ माया गर्ने रहेछ
छुट्दा दुवैजना नै मर्ने रहेछ
राम्राे हुँदैन मायाजालमा पर्नु
समाजमा इज्जत झर्ने रहेछ
पछि अप्ठ्यारोमा पर्ने रहेछ।
🙏नवराज भट्ट, महेन्द्रनगर, कञ्चनपुर ।
पञ्चाङ्ग ०६
थियो प्रेम गाढा भए एक दुई
हुनेछैन टाढा भए एक दुई
सिकौँ आज मान्छे यिनैबाट केही
हुने धेर छाडा भए एक दुई
बन्यो वृक्ष थाडा भए एक दुई।।
🙏नारायणप्रसाद निरौला, काठमाडौँ।
पञ्चाङ्ग ०७
तिमीमै समर्पण भएको छु प्रिया
हिजो भन्दा निकट् गएको छु प्रिया
नठान्नु कहिल्यै परचक्री मलाई
सजाई हियामा रहेको छु प्रिया
सबैको तनाव सहेको छु प्रिया
🙏पद्मा रिजाल – बाँके ।
पञ्चाङ्ग ०८
प्रकृतिमा माया हुन्छ प्रीति हुन्छ हेर परेवाका जोडी बरै
तिमी मात्र अबुझ मानिस हिँड्छौ एकान्तमा एक्लै छोडी बरै
प्रकृतिलाई चिन्नुपर्छ, सबैको माया उस्तै होला के को लाज
दिउल पनि उम्रन्छ किसिम किसिमका ढुङ्गा फोडी बरेै
उम्रिएका झारपात सबै फाल्नुपर्छ पालैसित गोडी बरै ।
✍️सविता के.सी. काठमाडौं ।
पञ्चाङ्ग ०९
परेवाका यि जोडीले मिठा कुरा गर्दैछन्
हृदयमा चोखो पिरतीका कुरा भर्दैछन्
एक अर्कामा समर्पित यि जोडीको प्रेम
सॅगै जिउने मर्ने मनका कुरा झर्दैछन्
पिरतीको बारीमा प्रेम ऑकुरा सर्दैछन्।
सरस्वती श्रेष्ठ, इटहरी ।
पञ्चाङ्ग १०
जाेडी जस्तै परेवाकाे हुने रहर जिन्दगीमा
घाेलिदियाे नि मेराे कसैले जहर जिन्दगीमा
डाह लाग्छ अरू खुसी र अानन्द भएकाे देख्दा
अाफ्नाे त सधैँ पीडाकाे मात्र लहर जिन्दगीमा
अाफैँ जन्मेको विरानाे लाग्छ सहर जिन्दगीमा ।
✍️रामराजा के. सी.
फर्पिङ, काठमाडौं ।
पञ्चाङ्ग ११
प्रकृतिले नि:शुल्क दिएको छ प्रेम भन्ने कुरा
अहिले खरिदमा जिएकाे छ प्रेम भन्ने कुरा
परेवाले कहाँ पढ्याे प्रेमिल जाेडीकाे कहानी
दुई मुटु एकैमा सिएकाे छ प्रेम भन्ने कुरा
अर्थ नबुझिकन पिएको छ प्रेम भन्ने कुरा ।
✍️भवानी घिमिरे
सर्लाही।
पञ्चाङ्ग १२
परेवाकाे प्रेम हुन्छ धेरै
छुटृियाे भने त रुन्छ धेरै
उखानै छ परेवाकाे जाेडी
प्रेममा आकाश छुन्छ धेरै
पाेथीले नि जाल बुन्छ धेरै ।
✍️मधुसूदन प्रसाद घिमिरे, काठमाडौं ।
पञ्चाङ्ग १३
परेवाका दुई जाेडी, चुच्चो जुधाउँदै बसे
भाेगका तिर्सना मिट्दै,चित्त बुझाउँदै बसे
प्राण धान्नु परेकाे छ चाराे खाेज्नु छ गेै कन
जाऊँ खाेज्न कतै भन्दै,प्वाँख उडाउँदै बसे
घाम पानी हुरी जे हाेस्,देह कुदाउँदै बसे ।
✍️ताेयानाथ सुवेदी
काँडाघारी
पञ्चाङ्ग १४
यो मायाको अर्थ बुझ्न धेरै गाह्रो भएछ साथी
परेवाको जोडी जस्तो बन्न साह्रो रहेछ साथी
मान्छे हामी सभ्य अरे ङार्र ङुर्र गर्छौँ यहाँ
मान्छे भई मान्छे हुने जमाना त गएछ साथी
परेवाको जोडी ले त कति दु:ख सहेछ साथी ।
✍️गुणनिधि घिमिरे, पाँचथर मोरङ हाल अमेरिका ।
पञ्चाङ १५
परेवाको जोडी जस्तो पिरती लगाउँन मन छ
शान्तिको प्रतिक भन्ने कुरा नी जनाउँन मन छ
कहिले साथ नछाड्ने बाचा कसम खाएर यहाँ
युगौ युगसम्म नमूना जोडी जमाउँन मन छ
पिरतीको मिठो मिठो आभास चखाउँन मन छ ।
✍️तारा घिमिरे, संखुवासभा ।
पञ्चाङ्ग १६
मन मिल्नेसँगको प्रेमिल क्षण सधैँ नै हर्षित हुन्छ
उनका हरेक प्रेमिल शब्द सुमधुर संगीत हुन्छ
सबै दु:ख सबै व्यथा भुलाउँछ उनैकै प्यारले गर्दा
माया सधैँ बराबरी हुन्छ न कहिल्यै हारजित हुन्छ
खुसी आनन्दको माहौल बन्छ न कोही भयभित हुन्छ।
✍️केशब न्यौपाने
नुवाकोट
पञ्चाङ्ग १७
दुई आत्माको चोखो मिलनमा नै हाँसेर रमाऊ
आत्माभित्र मिलनको मधुरता गाँसेर रमाऊ
परेवाको जोडी जस्तै प्रेमिल बनाऊ है जीवन
पिर, व्याथा, कष्ट, सबै भुली बाँचेर रमाऊ
मनभित्रै मगमगाउने प्रेम साँचेर रमाऊ
✍️सरिता काफ्ले, कोहलपुर बाँके।
पञ्चाङ्ग १८
परेवा बनी ससार डुल्न मन लाग्छ
सगर माथी ताराझैँ घुल्न मन लाग्छ
आकाशमा उडेर सँगै कुरा गरौँला
परेवा जस्तै मायामा खुल्न मन लाग्छ
मानवको व्यवहार भुल्न मन लाग्छ ।
✍️देवकी के.सी. बिरगंज ।
पञ्चाङ्ग १९
परेवाकाे जाेडीजस्तै तिम्राे हाम्राे माया बनाेस्
वरपीपल चाैतारीकाेजस्तै शीतल छायाँ बनाेस्
नपराेस् है छुट्टिएर बाँच्न कुनै प्रेमी पनि
आधा आधा मन मुटु आधा आधा काया बनाेस्
दुखसुख बराबरी दुवै दायाँ बायाँ बनाेस् ।
✍️चन्द्रावती अधिकारी, कोहलपुर बाँके ।
पञ्चाङ्ग २०
परेवाको जोडी हेर माया कस्तो हुन्छ?
हेर न एक अर्काको छाँया कस्तो हुन्छ
सच्चा माया के हो? अब पंक्षीबाट सिक
तिमी त हेर्छौ क्षणिक काया कस्तो हुन्छ
जीवन चल्ने खोज न जाया कस्तो हुन्छ।
✍️गिता अर्याल, नेपालगन्ज बाँके ।
पञ्चाङ्ग २१
परेवाको जोडी देख्दा रहर लाग्छ
यिनीहरू घुम्ने जाउ सहर लाग्छ
मानिसको जिन्दगी नि अजीब हुन्छ
मन मारेरै त बस्न कहर लाग्छ
कहिले काहीँ जिन्दगी नहर लाग्छ ।
✍️सुशीला पौडेल, काठमाडौं ।
पञ्चाङ्ग २२
पंक्षी बनी आकाशमा डुल्न मन लाग्छ
परेवाको जोडी जस्तै खुल्न मन
लाग्छ
प्रकृतिको सुन्दर संसारमा हराई
देखावटी संसार नि भुल्न मन लाग्छ
घुलन् बनी पानीसित घुल्न मन लाग्छ
✍️जमुना आचार्य, सिन्धुपाल्चोक
