१.
लुकीछिपी आँखा बोले,मान्नै प-यो खोट?
कसैलाई मस्ती हुन्छ, कसैलाई चोट।
२.
रात ढले दिन हुन्छ, दिन ढले रात,
बदल्नको सक्छ यहाँ, प्रकृतिको बात।
३.
सकिदैन रातभरि निदाउनलाई,
मुर्छा पार्छ कुटुकुटु भित्र मुटु खाई।
४.
झुक्न नदेउ ती पुर्खाले आर्जेको सान,
त्यो सानमा अडेकोछ हाम्रो स्वाभिमान।
५.
हेप्यो साह्रै दुश्मनले बोल केही बोल,
हैन भने त्यो मनको गुह्य कुरा खोल।
६.
बस्ती बस्ती घन्किदैछ इन्क्लाबको नारा,
बनि दिँदा सत्ता तिम्रो आज ज्यानमारा।
७.
पुगौँ बस्ती बस्तीमा जनतालाई जगाउन,
सत्ता बाट भ्रष्टलाई छानिछानी भगाउन।
८.
सुरक्षाको घेरा भित्र बस्छौ हर दिन,
तिमी भित्र खोट देख्छु मैले किन किन?
✍️ चिरञ्जीवी ढकाल
नेपालगन्ज -२०, राँझा एयरपोर्ट बाँके ।
