तितोपाटी-कुवेतको ऐतिहासिक पुरानो बजार अल मुबारकियामा आज विशाल आगो लागी भयो । जसका कारणले यसको सौन्दर्य मात्र भत्किएन करोडौ डलरको धनमाल पनि क्षति भएको छ ।खास गरेर ईरानी मार्केट समेत का नामबाट चिनिने उक्त बजार कुवेत स्थित मुर्गाबमा पर्दछ । एकदमै व्यस्त बजारको रुपमा चिनिएको ठाउँमा स्थानिय नागरिक देखि विदेशीहरुले समेत घुमफिर र खानपिन तथा किनमेल गर्ने प्रमुख व्यपारिक केन्द्र पनि हो ।
आज अपरान्ह तीन बजेर २० मिनट जादा त्यस बजारमा ओगो लाग्न शुरु भएको थियो । करिब २० वटा दोकान उक्त आगलागीबाट पूर्णरुपमा ध्वस्त भएका छन भने अन्य धेरै स्टोरहरुमा पनि क्षति पुगेको छ । सागुरा गल्ली भित्र दोकान नै दोकान भएको सो बजारमा दमकल पस्न पनि गाहो थियो । मानिसहरुको भिडभाडको समय भएकाले फायर फाईटरहरुलाई मानिसको भिड पन्छाएर काम गर्न पनि सकस भएको थियो ।
आग लाग्न शुरु भएको एक घण्टामा फायर फाईटरहरुको समुह ले ठुलठुला ज्वाला र धुवाको मुश्लो लाई नियन्त्रणमा लिन सफल भएका थिए । उक्त कार्यका लागि फायर फाईटरका ८ वटा व्रिगेटले निरन्तर रुपमा घण्टौ संघर्ष गर्न परेको थियो ।आगलागिबाट करिब करिब १४ जना घाईतेको घट्ना स्थलमा नै उपचार गरिएको थियो भने ४ जना लाई नजिकै रहेको अमिरी अस्पतालमा र १ जनालाई अल बबटेन सेन्टरमा उपचारका लागि लगिएको थियो । ईश्लाम धर्मको पवित्र पर्व रमजानको मुखैमा भएको उक्त आगलागि के कारण ले भएको थियो भन्ने प्रष्ट भईसकेको छैन ।
