नाम: लता केसी
जन्म मिति तथा जन्मस्थान: २०१६- ७- ६ भोजपुर , दावा
बुबा – लक्ष्मीबहादुर खडका क्षत्री
आमा – जान्दवीदेबी खडका क्षत्री
स्थायी/ अस्थायी ठेगाना – तीनकुने , काठमाडौं -३२
शिक्षा : बिए
पहिलो रचना ( कथा ) अन्तर्द्वन्द कलेजको वार्षिक मुखपत्र `प्रकास´ मा ३९ तिर प्रकासित ।
पहिलो प्रकाशित लघुकथा- दुर्घटना ( अङ्क -४६ लोकभावनामा प्रकासित )
साहित्य लेखनको प्रेरणा : आफ्नै रुचि र अध्ययन
प्रकाशित पुस्तकहरू – चोटदेखि मृत्युसम्म
लघुकथासङ्ग्रह
सम्पादन(पुस्तक) पाठशालाका लघुकथा १,२
पेशा, व्यवसाय: अवकाशप्राप्त शिक्षक ( २०५२ सालदेखि
२०७२ सम्म सेवारत )
साहित्यको बारेमा आफ्नो धारणा : साहित्य लेख्नभन्दा
पढन रूचाउने म , “ परिवार , समाज र देशको प्रतिनिधित्व साहित्यले गर्नुपर्छ र सकारात्मक बाटाहरू पहिल्याउनु पर्छ ´´ भन्ने ठान्दछु ।
साहित्यिक महत्वाकांक्षा : लघुकथाको उन्नयन ।
संलग्नता – संस्थापक एडमिन , हाम्रो लघुकथा पाठशाला
रचना
लघुकथा : मान्यता
लामो बिदापछि विद्यालय खुल्यो । विद्यार्थीहरू खुसी भए। कक्षाहरू नियमित सञ्चालन हुन थाल्यो । स्वास्थ्य विज्ञानका गुरू कक्षामा पस्नु भयो । विद्यार्थीहरू जर्याकजुरूक उठे । अभिवादन गर्दै सम्मान पस्किए । गुरूले कालोपाटीमा पढाउने विषय लेख्नु भयो , “ शारीरिक अङ्ग ´´ । शरीरका विभिन्न अङ्गहरूको परिचय र महत्वबारे गुरूले आफ्नो विद्वता बाढनु भयो । सबैतिर आँखा घुमाउँदै प्रश्न सोध्नु भयो , “ हाम्रा आँखाहरूले देखेका विषयलाई हातले के गर्छ ?
एउटा विद्यार्थीले भन्यो , “ लेख्छ सर अनि साहित्य जन्मिन्छ । ´´
अर्कोले विवाद गर्यो , “ लेख्ने त हातले होइन , कलमले हो । ´´
तेस्रोले भन्यो , “ हातले त मन परेका कुरा टिप्छ अनि मन नपरेका
फ्याल्छ , सर । सबै विद्यार्थीहरू गलल्ल हाँस्न थाले ।
कक्षा सान्त गराउँदै गुरूले संकेत गर्दे सोध्नु भयो , यो के हो ?
जवाफ एकै स्वरमा आयो , “ कान हो , सर ।´´
अनि यो ?
नाक ।
नाकले सुङ्छ , कानले सुन्छ हो ?
सामूहिक स्वरमा, हो सर ।
एउटा विद्यार्थीले सोध्यो , “ नाकले सुन्छ , कानले सुङ्छ ´´ भन्दा के हुन्छ र सर ?
“मान्यताविपरीत ! भोलिको पुस्ताले गलत सिद्धान्त लेख्नेछ ।´´
