१
बासन्ती आयो महिना
खेलौ न होली सङ्गिना
मनका पीडा भुलेर
दिल खोलेर ।
२
पीडा त हाम्रा हजार
बिक्रीमा छैन बजार,
आफैँले खुशी खोज्ने हो
सही रोज्ने हो।
३
रङ्गीन बनोस् जीवन ,
सङ्गीन बोक्ने नबन
भावना स्वच्छ चाहिन्छ
माया पाइन्छ ।
४
सप्तरङ्गीमा सजेर
विष्णु र लक्ष्मी जपेर
गरौँ होलिका दहन
मेरो नमन ।
चन्द्रावती अधिकारी, कोहलपुर वाँके।
‘होली विशेष खोरिया’
रङ्गीन फागु पर्वमा
नाच्दै गाउककदै हर्षमा
सबमा छ है नमन
शुभकामना।
होलीको रङ्ग रङ्गीन
आऊ न खेलौकक सङ्गीना
बासन्ती लाली छरिककदै
खुशी भरिककदै।
राम्रो छ आफ्नै संस्कृती
नआओस् कुनै विकृती
सरलतामा रमाऊ
खुशी जगाऊ।
रङ्ग छ अनेक थरी
नगरौकक है मनपरी
संस्कृती आफ्नै जगाऔं
चाड मनाऔं।
सरस्वती श्रेष्ठ, बुट्वल रूपन्देही।
१
होलिको पर्व रमाइ
खुसिमा दिन बिताइ
रंगको पर्व होलिमा
खेलौ साथमा
२
होलिको पर्व खुसिमा
सद्भाव बाँडी रंगमा
रहर लिई मनमा
रंग होलीमा
३
खराब पानी हुदैन
अनेक रंग हुदैन
सुरक्षा आफै गरेर
रंग खेलेर
४
सडक चोक घरमा
होलिको पर्व रंगमा
खेलेको सबै मिलेर
खुसी भरेर
यसोदा गिरी, भक्तपुर
केहि खोरिया ः
सबैमा होली पर्वको
मनमा बोकी गर्व यो
रंगीन मेरो चाहना
शुभकामना
फागु यो पर्वमा हामी
धार्मिक संस्कार ठानी
खेलेर खुशी मनाउ
माया खन्याउँ ।
फागु पूर्णिमाको दिन
सबै मिलीजुलीकन
रमाईलो लौ गर्र्ने हो
अघि सर्ने हो ।
मिठा मीठा परिकार
चिउरा मासु अचार
बनभोज लौ गएर
नाचौं खाएर ।
उर्मिला पन्त पाण्डेय
ज्ञानेश्वर, काठमाण्डौं
खोरिया🌹
जताततै हरियाली
कोइलीको छ हैं वोली
रङ्ग अनेक दलेर
फागु खेलेर !
छैन गर्मी कतै जाडो
भयो किन मन टाढो
बसन्तको आगमन
खुसी बाँडौं झन् !
मिठासको प्रीत घोली
लगाएर बुट्टे चोली
पोतिएर रातो रङ्ग
मन छ दङ्ग ।
शारदा आचार्य
१
धेरै पटक रङ्गायौ
मेरो रगत सुकायौ
पहिचान् गुम्यो रङ्गले
आफ्नै ढङ्गले ।
२
धेरै पटक रुवायौ
कति पटक मेटायौ
मेरा भाग्य रेखाहरु
रोएँ धुरुरु ।
३
मनको भारी बिसाएँ
मायामा रङ्ग मिसाएँ
खेलौं होलि भनेर
आफ्नै मानेर ।
४
मनाउँ होली खेलेर
यात्राको रथ ठेलेर
बचाउ हाम्रो सस्कृति
रम्य प्रकृति ।
सीता घिमिरे
नैकाप,काठमाडौ
