स्रष्टा परिचय
नाम-विष्णु भण्डारीआचार्य
जन्मस्थान- चाैबिसे गाउपालिका धनकुटा
माता पिता चन्द्रकला /प्रेम बहादुर भण्डारी
शिक्षा- स्नातक
पेशा-शिक्षण
कर्मथलाे- बेलबारी नगरपालिका -८ माेरङ
प्रथम प्रकाशित रचना – ऊ त नारी(कविता)
प्रकाशित कृतिहरु – मान्छेकाे भिडभित्र (कविता सङ्ग्रह २०७२)
-फेसबुक आईडी (लघुकथा सङ्ग्रह २०७८)
प्रकाशाेन्मुख कृतिहरु – कथा सङ्ग्रह
-शीत काव्य सङ्ग्रह
– बाल कविता सङ्ग्रह
रचना
लघुकथा—नारीदिवस
नारी दिवस मनाउन जानको लागि टोलभरीका दिदीबहिनीहरुले सखारै उठेर जीवन दैनिकीको विहानको मेलो तुर्न हतारो बढाइरहेकाथिए । मेनुकालाई पनि जान उक्साइरहेकाथिए साथीहरुले । ऊ पनि छिटोछिटो हात चलाइरहेकिथिई ।
कार्यक्रममा जाँदा कुन लुगा लगाउँने होला आज ! दराजमा भएका लुगा पल्टाउदै छान्दै गर्दैथिइन् मेनुकाकी सासु सुनकला ।
परिवारलाई विहानकाे खाना ख्वाउने काम सकी मेनुकाले । सासुको छेउमा गएर सानो आवाजमा मुन्टो थोरै झुकाउदै भनी “मम्मी, आज म पनि…”
“के म पनि ? छिटो भन, कुरा नअड्काइ ।” कठोर भाका निकालिन् सुनकलाले ।
“आज मलाई पनि नारीदिवसमा जाउँ भन्दैछन् साथीहरुले । ”भएभरको शाहस बटुलेर भनी ।
“कस्ताकस्ता हराइगए झुसिलकिराको दरबार ।
ए तँपनि अब नारीदिवस मनाउन जाने ?
न त तँलाई अगाडि गअर दुइ शब्द बोल्न आउछ, के जानु ”
सासुबुहारीका कुरा सुनिरहेकोथियो सन्तोषले ।
“ दोइजना जानु न त आमा, खेतालालाइ खाजापानी जसोतसो मै मिलाउला नि ।”
छोराका कुरासँगै नाकका पोरा फुले आमाका
“लुलुलु भयो सन्ताेषे, म जान्न, तेरै स्वास्नीलाइ पठा,मै गर्छु घरधन्दा मै पुर्याउछु खेतालालाइ खाजा ।ठस्केको बोलीमा प्रत भइन् सुनकला ।
आमा रिसाएको बुझी मेनुकाले ,भनी “भयो मम्मी म जान्न ,हजुर नै जानोस ।
मेनुका बाँकि रहेको कामधन्दा गर्न थाली ।
बेलुका सप्तकोशी एफएममा समाचार प्रशारण भइरहेकोरहेछ , मेनुकाले घरधन्दा गर्दै रेडियो सुनी ।
आज मार्च आठ ।
देशका विभिन्न ठाउँमा नारीदिवस भब्य र शभ्य तरिकाले मनाइयो । मोरङ जिल्लामा पनि नारीदिवसको अवसर पारेर जिल्लाभरीमा विभिन्न क्षेत्रमा योगदान पुर्याउदै आउनुभएका पाँचजना महिलाहरु सम्मानित हुनुभयो । अरु चार जनाको नाम सहित अर्को नाम पनि सुनी मेनुकाले ।
सक्षम महिला समूह सन्चालन गरी नारी जागरण अभियानमा सातवर्षदेखि सक्रियरुपमा लागि पर्नुहुने कर्मठ महिला सुनकला खड्का पनि सम्मानित हुनुभएकोछ ।
