भन प्रिया अझै कति, दादागिरी चल्छ तिम्रो ?
यो पाराले अल्पायुमै,शासन सत्ता ढल्छ तिम्रो।
अन्यायको विरुद्धमा,एकदिन सबै जुटे भने,
न्यायलाई खोजि गर्न,गाउँ बस्ती जल्छ तिम्रो ।
घर परिवार,छरछिमेकी,ईष्टमित्र साथी भाइले,
आहा कति राम्रो भन्या,त्यस्तो कुनै पल् छ तिम्रो?
रिस,राग, डाह, ईर्श्या गरि,भित्र भित्रै मुर्मुरिइ,
अरुको त्यो प्रगतिमा,किन मुटु जल्छ तिम्रो ?
जति मै हुँ बन सानु, समयले धोका दिँदा,
बलियो त्यो भाग्य पनि,आफ्से-आफ गल्छ तिम्रो ।
प्रतिमा शिवाकोटी (उप्रेती)
भुम्लु गा.पा ८, भुम्लुटार,काभ्रेपलान्चोक ।
(रचना: २०७८ फाल्गुन ०९ सोमबार )
