आईसीसी टी-२० विश्वकप ग्लोबल छनोटमा नेपालले फिलिपिन्सलाई एक सय ३६ रनले हराएको छ। नेपालले ओमानमा भइरहेको ग्लोबल छनोट अन्तर्गत फिलिपिन्सविरुद्ध २१९ रनको विशाल स्कोर बनाएको थियो । नेपालका कुशल भुर्तेल सतकीय र दीपेन्द्रसिंह ऐरीको अर्धशतकिय पारी खेलेका थिए ।
नेपालले दिएको २ सय १९ रनको लक्ष्य पछ्याएको फिलिपिन्सले ८ विकेट गुमाएर ८२ रन मात्रै बनाउन सफल भएको थियो । नेपालका लागि कप्तान सन्दीप लामिछानेले ३ विकेट लिएका थिए । उता आज मात्रै डेब्यु गरेका गुल्सन झा ले पनि एक विकेट लिएका थिए । जितेन्द्र मुखिया, अविनाश बोहरा, दीपेन्द्रसिंह ऐरी र कुशल मल्लले एक/एक विकेट लिएका थिए ।
यसअघि टस हारेर पहिले ब्याटिङको निम्तो पाएको नेपालले २ सय १८ रन बनाएको थियो। आजको जितसँगै नेपाल चार अंकका साथ तालिकाको शीर्ष स्थानमा पुगेको छ भने सेमिफाइनल पुग्ने सम्भावना बलियो बनाएको छ।
