तीतोपाटी – कुवेत एयरवेजले आगामी मे महिनादेखि काठमाडौंमा उडान भर्ने घोषणा गरेको छ । कुवेत एयरवेजका प्रमुख कार्यकारी अधिकृत (सीइओ) इन्जिनियर माइन रजाैकीले एक प्रेस विज्ञप्ति जारी गरि काठमाडौं लगायतका १७ नयाँ गन्तब्यमा कुवेत एयरवेजले उडान भर्न लागेको जानकारी दएका हुन् । सिइओ रजाैकीलाइ उद्धृत गर्दै अरब टाइम्समा प्रकाशित समाचार अनुसार नयाँ गन्तव्य सहित कुवेत एयरवेजको अन्तर्राष्ट्रिय उडान गन्तव्य ५७ पुगेको छ ।
नयाँ गन्तव्य र उडानहरूको सञ्चालनमा मलाक्का, मस्को, साराजेभो, नाइस, सलालाह, शर्म एल शेख, सोहाग, अलेक्जान्ड्रिया, म्याकानोस, बोडरम, ट्राब्जोन, भियना, म्याड्रिड, कासाब्लान्का, म्यानचेस्टर, काठमाडौं र क्वालालम्पुर समावेश हुनेछन्, भनि सिइओ रजाैकीलाइ उद्धृत गर्दै अरब टाइम्सले समाचार प्रकाशित गरेको छ ।
नयाँ गन्तव्यहरू छनोट गर्दा, कुवेत एयरवेजले सबै सामाजिक क्षेत्रहरू, चाहे व्यापार, पर्यटन वा शिक्षाको लागि उच्च माग सहितको सबैभन्दा चाहिने र रुचाइएको गन्तव्यलाई ध्यानमा राखेको थियो भनि उल्लेख गरिएको छ ।
