तीतोपाटी, काठमाडाैं – ‘आपसी सहयोग र सद्भाव सिन्धुपाल्चोकबासी मिलनको आधा’ नारा लिएर २०१४ मा कोरियामा रहेका सिन्धुपाल्चोकबासी मिलेर स्थापना भएको सिन्धुपाल्चोक समाज दक्षिण कोरियाको चौथो अधिवेशन सम्पन्न भएको छ ।
सिन्धुपाल्चोक समाज दक्षिण कोरियाको चौथो अधिवेशन कोरोनाको महामारीलाई मध्यनजर गर्दै भर्चुअल माध्यम जुम र फेन्थेकमा प्रत्यक्ष उपस्थित भएर सम्पन्न गरिएको हो ।
अधिवेशनबाट समाजको अध्यक्षमा उत्सव खड्का, वरिष्ठ उपाध्यक्षमा बेदनाथ आचार्य र सचिवमा विशाल श्रेष्ठलाई सर्वसम्मत चयन गरिएको छ ।
निवर्तमान अध्यक्ष नविन श्रेष्ठको अध्यक्षतामा भर्चुअल माध्यम र प्रत्यक्ष उपस्थितिमा आयोजित उक्त कार्यक्रममा कोरियाका लागि नेपाली कार्यबाहक राजदूत रामसिंह थापाको प्रमुख आथित्यता रहेको थियो ।
यस्तै, अधिवेशनले सहसचिवमा प्रवन पराजुली र निमा शेर्पा, कोषाध्यक्षमा नवराज पाण्डे र सहकोषाध्यक्षमा सुरज श्रेष्ठलाई चयन गरिएको छ ।
सदस्यहरूमा जयराम कोइराला, गोपाल पौडेल, उद्दव नेपाल, वर्षा तामाङ, उर्मिला सिङ्, कार्साङ तामाङ र दोर्जे शेर्पा छन् ।
कार्यक्रममा संस्थाका कोषाध्यक्ष नवराज पाण्डेले आर्थिक प्रतिवेदन पेश गरेका थिए । सिन्धुपाल्चोक समाज दक्षिण कोरियाले विशुद्ध नेपाल तथा कोरियामा सामाजिक कार्य गर्दै आएको छ।
समाजले कोरिया र नेपालमा हुने हरेक सामाजिक गतिविधिमा सक्रिय रूमा सहकार्य र समन्वय गर्दै आएको छ । यस्तै, कोरियामा आपतमा परेका नेपालीलाई पनि सहयोग गर्दै आएको छ ।
