निति नियम कुल्चिएर, यो देश नै चले पनि।
कठै भन्ने कोहि छैन, जिउँदो लास ढले पनि।
लोभ,स्वार्थ ,घमण्ड र, पापै पापले भरिएको,
राष्ट्रमा ती जनताका, सबै खुशी जले पनि।
जान्ने सुन्ने मै हुँ भनी, एकाधिकार जमाएर,
विधि बिधान लत्याउँदै, सोझालाई छले पनि।
सभ्य समाज निर्माणको, खातिरमा रोपिएको,
अमृतको बोटमा हजुर, विषै विष फले पनि ।
अन्याय र अत्याचार त्यो, सहनलाई नसकेर,
शिर देखि पाउ सम्म, फतक्क भै गले पनि।
प्रतिमा शिवाकोटी उप्रेती
भुम्लु गा.पा.८ भुम्लुटार(झिगटी टोल)
काभ्रेपलान्चोक,बागमती प्रदेश ।
(२०७८माघ १५ शनिवार )
