साँझको बेला बसेको थिए काव्य जुनेली हेरी,
झिप-झिप बत्ती बाल्दै आई जुनकीरी रानी,
यताउता घुङ घुङ गरि धेरै धेरै फिर्फिराई,
घरी तल घरी माथी फिरफिर गरि उडिरही!-१
कता जान्छिन् दिनको बेला यी जुनकीरी रानी,
सधै आउछिन् मेरै घरमा रातको समय छानी,
कीडाहरूमा सर्वोत्कृष्ट राम्रो यिनको बानी,
आज बल्ल सामने पाँए तर बुझिन त खानी!-२
कहाँ हुन्छ यिनको घर के के खाएर बस्छिन्,
खुल्लै आकाशमा उडछिन् या दुला भित्र पस्छिन्,
मात्रै रातीमा किन आउछिन् सानो चिराक बालेर,
दिनमा कहीं बस्छिन् होला पुठ्ठाको ज्वाला फालेर!-३
जुनकीरीको लीला बुझ्न साह्रै गाह्राे हैछ,
सौन्दर्यको विशेषता नै महान हुदो रैछ,
अँध्यारोमा यताउता प्रकाश देखाई हिड्ने,
जस्तो आपत आई परे नि जताततै उड्ने!-४
शिव कुमार रेग्मी
बगनासकाली-२
पोखराथोक,पाल्पा
