गजल – “परदेशमा…..पाइन्छ ।”
परदेशमा पैसा भए त किन्न सबै पाईन्छ ।
सित्तैमा त आँखाको आशु मात्रै पाईन्छ ।।
जब यादहरुको पहाड खस्छ मध्यराति ।
पिडाहरु माथी पीडा थप्न अझै पाईन्छ ।।
यो मन उडेर घरदेश को आँगन पुग्छ सधैं ।
ति सम्झनाका परेलीहरु प्रसस्तै पाईन्छ ।।
विना आगो जल्ने कस्तो अंङ्ग रहेछ यो ।
परदेशी हरुको प्राय मुटु जलेकै पाईन्छ ।।
निलगगन छिचोल्दै आएका हामी मर्दलाई
लिएर जाने रातो बाकस लस्करै पाईन्छ ।
-माधब पौडेल “असल यात्री” (हाल कुवेत)
