तीतोपाटी – कुवेतको गृह मन्त्रालयले पुराना वैध सवारी चालक अनुमती पत्र (ड्राइभिङ लाइसेन्स) खारेज गरी नयाँ लाइसेन्स ल्याउने परियोजना कार्यान्वयन गर्न शुरु गरेको छ । यो प्रक्रियामा करिब २ लाख ५० हजार आप्रवासीहरुको ड्राइभिङ लाइसेन्स खारेज हुने जनाइएको छ ।
ड्राइभिङ लाइसेन्सका लागि न्यूनतम योग्यता नपुगेकाहरु बिशेष गरी ठगी(सेटिङ)बाट लाइसेन्स बनाएकाहरु, लाइसेन्स पाए पछी पेशा परिवर्तन गरेकाहरु र कोरोना लगायतको कारण कुवेत बाहिर रहेर भिसा नबिकरण गरेका आप्रवासीहरुको लाइसेन्स रद्द गरिने छ।
कुवेतमा ३० लाख भन्दा बढीले सवारी चालक अनुमतीपत्र लिएका छन । यि सबै पुराना लाइसेन्सलाई चुम्बकिय कार्ड सहित प्रतिस्ठापन गर्न धेरै जनशक्ती आबश्यक पर्ने र समयाबधि तीन महिना लाग्ने बताइएको छ ।
कुवेतका सडकहरूमा ट्राफिकको भीड अत्याधिक बढेकाले कुवेत सरकारले ड्राइभिङ लाइसेन्सलाई अत्याबधिक गर्ने भएको हो ।
