गर्नु किन घमण्ड पाप्,लोभ रुखो बोली सानु ।
मर्दा संगै लिइ जाने, के नै छ र भोलि सानु ।
दाम भन्दा नाम इमान, कमाउँछु भन्नेले त,
चाल्नुपर्छ पाइलाहरु,सधैँ जोखिम मोलि सानु ।
भाग्य लाई कुकर्मले, जब फेर्दै ढालिदिन्छ,
भिख माग्दै हिड्नुपर्छ,भिरी थोत्रो झोली सानु ।
मृत शरीर नङ्याएर, कात्रो भित्र पोको पारी,
शंख फुक्दै घाट लान्छन,चढाउएर डोलि सानु ।
सहेकै थेँ तिरस्कार, सहेकै हो कटु वचन,
ठाँउको ठाँउ ढल्ने गरि,लागेको छ गोलि सानु।
प्रतिमा शिवाकोटी(उप्रेती)
भुम्लु गा.पा ८,भुम्लुटार,काभ्रेपलान्चोक ।
(२०७८/७/२६ शुक्रबार)
