गजल
###
पात्तिएर बिष भाङ हरीतालै खाको देख्दा ,
के भन्नू खै तिमीलाई कुख्रे बैँस आको देख्दा ।
रोक्न थेग्न नसकेर काम बासनाको हुरी ,
दाम्लै सम्म चुँडाएर चरनमा गाको देख्दा ।
जो भएनी मतलव नाई दुई खुट्टा उभिएको ,
जुनेलीको छाँयासँग मदहोशी भाको देख्दा ।
हाऊ भाऊ फुर्ती फार्ती खुबै स्याईँ लगाएर ,
रोजीछाडी अरुसँगै नातासाईनो लाको देख्दा ।
ईर्श्या डाहा लागेसँगै लोभी पापी बनाउने ,
काँडाभित्र फूलको त्यो जिन्दगी पाको देख्दा ।
-टहल आचार्य
