तितोपाटी- कुवेतमा बालुवा र ग्राभेलको खाल्टोमा पुरिएर दुई नेपाली कामदारको मृत्यु भएको छ।
बुधबार अपरान्हको समयमा कुवेतको अन्तर्राष्ट्रिय बिमानस्थल निर्माण स्थलमा संरचनागत बालुवा र ग्राभेलको गहिरो खाल्टोमा पुरीएर दुई जनाको मृत्यु भएको हो भने एक जनालाई सकुशल उद्धार गरिएको छ।
कुवेतको नया विमानस्थल निर्माणकार्यको क्रममा निकै मिटर गहिरोमा परी दुई जनाको मृत्यु भएको र एक जना घाइते भएका हुन भने उक्त मृतक र घाइतेको पहिचान भने खुल्न सकेको छैन।
घटना पछी कुवेतका सार्वजनिक निर्माण मन्त्री र सञ्चार तथा सूचना प्रविधि राज्यमन्त्री डा. राना अल- फारिसले घटनास्थल पुगेर उक्त दुर्घटनाबाट भएको क्षतिको निरीक्षण गरेका छन। घटनाको विस्तृत विवरण प्राप्त भएको छैन ।
