तितोपाटी- कुवेतमा नेपाली सहित अन्य देशका १ लाख ५० हजार आप्रवासीहरु अबैधानिक रूपमा बसोबास गर्दै आएका छन।
कुवेतमा अबैध रूपमा बस्नेहरुको संख्या हाल करिब १ लाख ५० हजार रहेको र सरकारले उनीहरुलाई विमानस्थल खुली सकेपछी र सामान्य जीवनमा फर्किए पछि स्वदेश फर्किन आममाफी, वा भिसा नवीकरण गर्नको लागी अर्को मौका दिने कुनै योजना नरहेको कुवेत मन्त्रालयलाई उद्धत गर्दै अरबटाइम्सले जनाएको छ।
यस अघी पनी कुवेत सरकारले विभिन्न समय गरी पॉचौ पटक सम्म आफ्नो जरिवाना तिरी वैधानिक बन्न वा सहज तरीकाले देश फर्किन मौका दिएको थियो।
अब भने कुनै किसिमको मौका नदिई पूर्ण रूपमा विमान संचालनमा आउन साथ कुवेतको विभिन्न स्थानहरुमा अवैध रूपमा बसोबास गर्दै आएका आप्रवासीहरुलाई पक्राउ गरिने साथै चेकजाँचमा पनी कडाई गरिने भएको छ। उक्त चेकजाँचमा अवैधरूपमा भेटिए देश निकाला गरिने बताइएको छ।
