किसन साह ,सर्लाही, भदो १६ गते ,बुधबार – सर्लाहीको मलंगवामा २२ किलो गाजा सहित एक जना पक्राउ परेका छन् ।
मलंगवा नगरपालिका वडा न-९ स्थित पोखरी बोर्डर एरियामा गस्ती गरिरहेका सशस्त्र प्रहरीको गस्ती टोलीले बिहानको समयमा सोही ठाउँ बस्ने २४ वर्षीय स्थानीय युवक ललित कुमार महतोलाई २२ किलो गाँजाको २ वटा पोका बनाएर टाउकोमा बोकेर भारत तर्फ लैजाँदै गरेको अवस्थामा पक्राउ गरेको जनाइएको छ।
एक जना ब्यक्तिले दुइ वटा पोका त्यो पनि निकै कसिलोसँग बाँधेर टाउकोमा बोकेर भारत तर्फ जाँदै गर्दा शंका लागेर चेक जाँच गर्दा सशस्त्र प्रहरी बल नेपाल बोर्डर आउट पोष्ट मलंगवाले उक्त व्यक्तिले बोकेर लैजादै गरेको पोकोबाट २२ किलो अवैध गाँजा बरामद गरेको हो। बरामद गरेको गाँजा सहित महतोलाई थप अनुसन्धानका लागि जिल्ला प्रहरी कार्यालय मलंगवामा बुझाइएको छ।
