Monday 9th November 2026

लक्ष्मी स्मृतिको गद्य कविता ‘जीवन’


कहिले खहरेको
भेल जस्तो
कहिले निसास्सिँदो
जेल जस्तो
कहिले शित्तल
चौतारी जस्तो
कहिले दुखाउने
काँडाघारी जस्तो।

कहिले श्री अन्तु
डाँडो जस्तो
कहिले चुहिने
भाँडो जस्तो
कहिले सगरमाथा
शिखर जस्तो
कहिले समुन्द्रको
थिगर जस्तो

कहिले फेवा
रारा जस्तो
कहिले लाचार
हुतिहारा जस्तो
कहिले मनोरम
पोखरा जस्तो
कहिले अनकन्टार
घाँघरा जस्तो

कहिले अक्करे
भिर जस्तो
कहिले मिठो
खिर जस्तो
कहिले शुन्दर
बाग जस्तो
कहिले तुच्छ
काग जस्तो।

यो जस्तो
पनि लाग्ने
त्यो जस्तो
पनि लाग्ने
जीवनको परिभाषा
खोज्दा खोज्दै
जीवनको यथार्थ
रोज्दा रोज्दै।

जीवन बित्छ
थाहै हुदैन
सोचे जस्तै
राहै हुदैन
भोगे जस्तै
चाहै हुदैन
कहिल्यै पनि
वाहै हुदैन।

– लक्ष्मी स्मृति, बिराटनगर-०५


सम्बन्धित शीर्षकहरु

काठमाडौं। भारतीय सेनाको अग्निपथ योजनामा गरिएको महत्त्वपूर्ण परिवर्तनपछि भारतीय सेनामा नेपाली गोर्खा युवाको भर्ती पुनः सुरु हुन सक्ने विषयले नेपालमा…

रियाद। यमनका हुथी विद्रोहीले साउदी अरबको राजधानी रियाद तथा पूर्वी प्रान्तलाई लक्षित गरी प्रहार गरेका क्षेप्यास्त्रलाई साउदी अरबको हवाई प्रतिरक्षा…

मस्कट। ओमानको समुद्री तटनजिकै एउटा व्यापारिक जहाजमाथि भएको आक्रमणमा एक भारतीय नाविकको मृत्यु भएको छ। जहाजमा सवार अन्य १३ जना…

प्रतिकृयाहरू
...