यहाँ दल हुन् कि दलाल उस्तै लाग्छन् ।
हेर्दा सरकारका, कमाल उस्तै लाग्छन् ।।
कसलाई के भन्नु र खै? नेपालमा अब
युवाका दारी अनि कपाल उस्तै लाग्छन् ।।
बहुलाउछ नेता, माईक देख्नैहुँदैन क्यार्नु
‘नगरबधु’ र नेताका धमाल उस्तै लाग्छन् ।।
आधा जनसंख्य, मिडिया सम्हाल्दै यहाँ
सोध्ने पत्रकारका, सवाल उस्तै लाग्छन् ।।
ढाक्दैन लाज, मुखका लङौटीले साथी
हेर्नुस् न फरिया र रुमाल उस्तै लाग्छन् ।।
र कस्तो बैमन्स्यता थप्यो यहाँ राजनीतिले
रगत देख्दा ढकाल र हमाल उस्तै लाग्छन् ।।
-श्रीभक्त पौडेल
चितवन , हाल : स्पेन
