गजल
###
जबदेखि नेपालमा एमसिसी पास हुन्छ ,
तबदेखि नेपालीको बगरमा बास हुन्छ ।
मौका हेरी कुरीराका ती साँडेको जुधाईमा ,
दुई ढुङ्गाको चेपभित्र चाङै चाङ लास हुन्छ ।
हत्याहिंसा अपहरण जल्लादको मग्न मस्ती ,
एक हाताँ अश्रुधारा अर्को हातमा गाँस हुन्छ ।
आफ्नै माटो आफ्नै पौरख अलग भै छुट्टीएर ,
स्वाभिमान स्वतन्त्रता बिदेशीको दास हुन्छ ।
छातीमाथि बुट टेकी हाल हुकुम चलाउने ,
फेर्न पनि बैगुणीको मुठीभित्र सास हुन्छ ।
-टहल आचार्य
२०७८/०५/०९
