गजल
###
आफूसंग कहिल्यै पनि हार्न नपरोस् ।
अरूसँग मागेर छाक टार्न नपरोस् ।
सानो ठुलो हुदैन काम सधै व्यस्त बनु
स्वार्थको लागि किरा नि मार्न नपरोस् ।
मान्छे मान्छेमा पिडा सबैको एकै हो
कहिल्यै बुझेर अप्ठ्यारो पार्न नपरोस् ।
जे भन्छ भनोस् दुनियाँले पर्वाह छैन
फाल्तु कुरा सिकेर गाउँ चार्न नपरोस् ।
जसलाई चोखो प्रेम गर्छु उही हो मेरो
एउटाको माया अरुलाई सार्न नपरोस् ।
-लीला के सी (पृथा)
बाँके कोहलपुर
