“झरदेखि झरनासम्म, हाम्रो यात्रा सागरसम्म”
वर्गीय समाजमा वर्गीय माया हुन्छ
वर्गीय घृणा तथा वर्गीय छाया हुन्छ ।। १ ।।
सबैको प्रिय हुन कहिल्यै सकिँदैन
सबैको मुटु छुन कहिल्यै सकिँदैन ।। २ ।।
बाख्रा बाघ एउटै हुनै सक्दैन
जेठ माघ एउटै हुनै सक्दैन ।। ३ ।।
वर्ग समन्वय शोषकको चाल हो
महल समृद्ध झुपडी कंगाल हो ।। ४ ।।
कोही हुने कोही नहुने होइन समानता
बराबरी भाग कहिले लगाउँदैन समता ।। ५ ।।
ठगेर झुपडीको भाग खान्छ महलले
आफूलाई भाग्यशाली ठान्छ महलले ।। ६ ।।
सितिमिति बुझिदैन शोषकको जाल
धर्म संस्कृतिको नाममा पार्छ कंगाल ।। ७ ।।
विकृतिलाई संस्कृति ठान्छन्
स्वर्ग नर्क भाग्य पूर्वजन्म मान्छन् ।। ८ ।।
विज्ञानको तथ्यले गर्दैनन् ज्ञानमा सुधार
धार्मिक अन्धविश्वास दिन्छन् उपहार ।। ९ ।।
चन्दा दान पूजाले पाप काट्न खोज छ
भ्रष्टाचारको रुपैयाँले जीवनभर मोज छ ।। १० ।।
वैद्यनाथ ठाकुर
वीरगन्ज
