मुक्तक
###
प्राकृतिक सौन्दर्य कै धनी हो पाल्पा जिल्ला,
१३७३वर्ग कि.मी.रहेको हाम्रो पाल्पा जिल्ला!
२ नगर पालिका र ८ गा.पा.छुट्याईएको यहाँ
सदर मुकाम तानसेन नै बनायो पाल्पा जिल्ला!!
१
करूवा,ढाका,बेतबाँस सामानले सजावट नै भयो,
चुकाउनी,बटुक र सेलरोटी मुख्य परिकार नै भयो!
रञ्जिका,रम्भादेवी,नारायणी,भगवती मन्दिर छन्,
त्यसैले पाल्पा नै नेपालको मुख्य तिर्थ स्थल भयो!!
२
श्रीनगर डाँडा बाट हिम-श्रृखला नै राम्रो देखिन्छ ,
चाँदमा गए पनि त्यहाँ मिहिनेती पाल्पाली देखिन्छ
मन मोहक प्राकृतिक धनि पाल्पा भएकै कारणले
संसार कै पर्यटक सुन्दर नगरी पाल्पा मै देखिन्छ !!
३
-शिव कुमार रेग्मी
पोखराथोक
पाल्पा