गजल
###
कांच जस्तै लाग्छ जीवन, चर्किएको देख्दाखेरी .
भुकम्प नै हो कि जीवन, थर्किएको देख्दाखेरी ।
कसैले कस्तो देख्छन, आफुंलाई त सधैं भरी
पासोको नै गांठो लाग्छ, सर्किएको देख्दाखेरी ।
हफ्तै पिछ्छे शिर लुकाउने, डेराहरु चाहर्दै गर्दा
उल्टोखोला लाग्छ जीवन, फर्किएको देख्दाखेरी ।
समिकरण यो जीवनको, नमिलेको देख्दा आज
पहिरोको त्यो चट्टान होकी, घर्किएको देख्दाखेरी ।
उँदै सलल उँभै सलल, लान्छ कि त आजै
घरीघरी यही झरी यहाँ, दर्किएको देख्दाखेरी ।
गल्ती सबको हुन्छ, दुधमा को नुहाएको छ र ?
दिक्दार लाग्छ तिमीआज, झर्किएको देख्दाखेरी ।
श्री भक्त पौडेल
चितवन , हाल स्पेन
