हरि कृष्ण न्यौपाने-तीतोपाटी डटकम-रोल्लिङ कर्माशील विदेश सबै प्रवासी नेपालीहरू,सरकारी, गैर सरकारी संगठन र अन्तर्राष्ट्रिय भर्तीकर्ताहरूलाई “प्रवासी नेपालीलाई मनो-सामाजिक परामर्श” शीर्षकमा नि:शुल्क वेबिनार गर्ने भएको छ।जुन-१४,२०२१ सोमबार नेपाली समय ४:०० बजेबाट उक्त वेबनार शुरु हुने छ।
वेबनार आयोजक रोल्लिङ कर्माशील विदेशका उपाध्यक्ष लोकेन्द्र सिंहले तीतोपाती डटकम संग कुरा गर्दै भने”वेबिनारको उद्देश्य काम र महामारीको दबाबमा परेका नेपाली आप्रवासीहरुलाई मनो र सामाजिक परामर्श प्रदान गर्नु र उनीहरु नेपाल फर्किदा भविष्यमा के हुन्छ भनेर जानकारी प्रदान गर्नु हो।”
वेबनारमा मनोबिज्ञ रुबान दाहाल तथा बैदेशिक रोजगारिका क्रममा रहेका अप्रबासी नेपाली श्रमिकहरुका लागि काम गरिरहेका संस्थाहरु सिएमआईआर(CMIR)का प्रमुख यूबराज नेपाल तथा पीएनसीसी(PNCC)का अध्यक्ष कुल प्रसाद कार्कीको सहभागीता रहने छ।
आयोजकका अनुसार भारत बाहेक करिब १.५ मिलियन नेपाली कामदारहरू हाल मलेसिया लगायत गल्फ मुलुकमा बसोबास गर्दैछन्। यी देशहरूमा नेपाली कामदारहरूले सामना गरिरहेका धेरै समस्याहरू छन्।कानुनी समस्याहरू, रोजगारीसँग सम्बन्धित मुद्दाहरू, वित्तीय व्यवस्थापन समस्या, सामाजिक समस्याहरू र सबैभन्दा महत्त्वपूर्ण कुरा के हो भने उनीहरू विदेशबाट फर्किए पछि देशमा पुनस्थापना हुनको लागि,महामारीले विदेशबाट आएका नेपाली आप्रवासीहरुमा एक अतिरिक्त तनाव सिर्जना गरेको छ। विदेशमा धेरै कम भावनात्मक सहयोग छ, मानसिक स्वास्थ्य र मनोसामाजिक समस्या उच्च छ। यसका लागि सम्भावित उपचार, विदेशमा कस्ता सुरक्षा उपायहरू गर्नुपर्दछ? कसरी काम र महामारी सम्बन्धित तनाव सामना गर्ने? प्रवासी कामदार नेपाल आउँदा के हुन्छ? यी प्रश्नहरू जुन आप्रवासी कामदारहरूले खोजिरहेका छन्, यसको सामाधन को लागि रोल्लिङ कर्मशिल बिदेशले यो वेबनार आयोजना गर्न लागेको हो।
सहभागीताको लागि:
Zoom Meeting ID: 894 9411 4804 and Passcode: 055453वा Rolling Nexus को फेसबुक पेजमा पनि Live हेर्न सकिन्छ।
जुन-१४,२०२१ सोमबार नेपाली समय ४:०० बजेबाट
