सरकार त यस्तो होस देशको ढुकुटीको आस नहोस ।
दिन्छु तँलाई कुर्सी भन्ने कोही मित्र आफ्नो खास नहोस ।।
गरोस काम देश विकासको जनताको भलो हुने
बेची ईमान धर्म सबै थुपार्ने धनको रास नहोस ।
भलो हुने काम गरून् जय जय गरून् सब जनले
जन मनमा अन्यायको कुनै भय अनि त्रास नहोस ।
सोचुन कुरा जनहितको मनमा स्वार्थ भाव नराखी
ईश्वर रुपको होऊन ती दानवताको वास नहोस ।
देशकै लागि प्राण दिऊन वैरी सब दुर भगाउन
वीरको ईतिहास भुलेर विदेशीको दास नहोस ।
-शोभा थापा
हेटौंडा ४, मकवानपुर ।
