धेरै पढेँ अरुको त्यो मैले धेरै सुनेँ गजल ।
लेख्न सकिनछु हजुर अझै मन छुने गजल ।
विभिन्न जातजाती भाषा धर्म सँस्कारका,
बालो देखि बृद्धसम्म सबैलाई हुने गजल ।
बाढी पैह्रो भुकम्प र कोरोनाको महामारी,
परेको यो महासङ्कट गाँठोलाई फुने गजल ।
हत्याहिंसा बलत्कार भ्रष्टाचार दुई नम्बरी,
मानव बिक्री बेरोजगार त्यससँग रुने गजल ।
राष्ट्रियता देश भक्तीले ओतप्रोत शेरहरु,
शहिदले बगाएको रगतलाई धुने गजल ।
****
टहलआचार्य
कालिञ्चोक ८ सुनखानी दोलखा ।
