“झर देखि झरनासम्म, हाम्रो यात्रा सागरसम्म”
झरना(१० झर)
१)
आउनु पर्ने आएन, चित्त बुझाएँ
संसार यस्तै रहेछ, आफैँ सुझाएँ ।
२)
रोई किन बस्नु पर्यो? हाँसौँ मुसुमुसु।
जिन्दगानी बितेकै छ, त्यसै खुसुखुसु।
३)
चिसो पानी नारायण थान
आफैँ जानू गर्नू जलपान ।
४)
गोरखनाथ गुफा ठूलो पुरातात्त्विक दुलो,
भित्र पस्दा लाग्न सक्छ सिद्धिदायक धुलो ।
५)
सरस्वती मन्दिर छ स्वउत्पत्ति भएका।
तारा भनी “तु तारे”का मन्त्र जप्दै गएका ।
६)
वज्रधारी योगिनी छन् आकाश मार्ग धाउने
बौद्धमार्गी प्रसन्न भई,मन मुटुमा लाउने ।
७)
दक्षिणीकाली इन्द्रायणी बाराही छन् निल
सबका आफ्नै विशेषता,अनि आफ्नै शील ।
८)
महालक्ष्मी पञ्जल गणेश गोपालेश्वर धाम,
चारैकिल्ला सुरक्षित छन् चारै ठूला थाम ।
९)
शेष नारायण शेषमाथि बिराज गरेकै छन्
पहाडको चट्टानमाथी आकार धरेकै छन् ।
१०)
खोजे अरु धेरै बाँकी दक्षिण गोदावरी,
पुण्यकर्म गर्ने थलो फर्पिङ सराबरी।
महेन्द्र मान बलामी
दक्षिणकाली-९, फर्पिङ, काठमाडौ ।
