१ मुक्तक
बाचुञ्जेल एक अर्कामा घमण्ड र सान देखाए मान्छेहरूले ।
घुसखोरी गद्दारलाई समूहमा सम्मान गराए मान्छेहरुले ।
एउटा सच्चा नागरिक थलियो खाना र दबाइसम्म पाएन,
जब मर्यो देखावटी आँशु झार्दै गुणगान गाए मान्छेहरूले ।
२ मुक्तक
विश्वभर कोरोनाले मानिसको बेहाल बन्दैछ ।
जुट्ने,लुट्ने र फुट्नेको पनि सन्जाल बन्दैछ ।
जनता भन्छन् के खाउँ कसरी बाचौं सरकार?
आश्वासनमा भन्छ मर्नको लागि अस्पताल बन्दैछ ।
३ मुक्तक
म तिम्रो साथछु भने अरुको महत्त्व कम हुनुपर्छ ।
माया गर्छौभने बिश्वासिलो आधार कसम हुनुपर्छ ।
कहिकतै अफ्ट्यारोमा अरुको हात समाएछु भने,
तिम्रो आँखा मा जलन र कलेजीमा जखम हुनुपर्छ ।
४ मुक्तक
आधी आउँछ हुरि आउँछ बतास आउँछ ।
आफ्नो मान्छे परदेश मनमा हतास आउँछ ।
मिलनको कल्पनामा रात कट्छ सधैसधै,
छुट्टी आउने समयमा रातो बाकस आउँछ ।
राधारमा
इटहरी
