तीतोपाटी – विश्वव्यापी रूपमा सबैलाइ अाक्रान्त बनाइरहेको कोरोना महामारीको संक्रमणबाट नेपालमा पछिल्लो २४ घण्टामा ८८ जनाको मृत्यु भएको छ । यो संगै नेपालमा कोरोना संक्रमणको कारण मर्नेको संख्या ३ हजार ७ सय २० पुगेको छ । सो कुरा स्वास्थ्य तथा जनसंख्या मन्त्रालयले जनाएको छ ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा ८८५० जना नयाँ संक्रमित थपिएका छन् ।
कुल १९,३८७ जनाको पीसीआर विधिसहित एन्टिजन विधिबाट परीक्षण गर्दा अहिले त्यति सङ्ख्यामा सङ्क्रमितहरू फेला परेका हुन्। पछिल्लो २४ घण्टामा जम्मा ४ हजार २२ जनाले कोरोनालाइ जितेर घर फर्केका छन् भने नेपालमा अहिले सम्म जम्मा ३ लाख ९४ हजार ६ सय ६७ जना कोरोना संक्रमित भएकोमा जम्मा ३ लाख २ हजार ७ सय ८७ जनाले कोरोनालाइ जितेर घर फर्केका छन् ।
हाल अाइसोलेसनमा ८८ हजार १ सय ६० जना र क्वारेन्टिनमा ४१९ जना रहेका छन् भने देशभरिका अस्पतालमा ८३२ जना आईसीयूमा र २६७ जना भेन्टिलेटरमा उपचाररत रहेका छन् ।
